Sport

Më shumë frikë sesa dëm për Donnaruman, gishti i vogël nuk ka frakturë

I mbështetur nga stafi mjekësor, në përfundim të ndeshjes kundër Gjermanisë të shtunën në mbrëmje (1-1), portieri i kombëtares së Italisë pësoi një dëmtim. Ekzamimet mjekësore bëjnë fjalë vetëm për një zhvendosje të gishtit të vogël të dorës së majtë.

6 Qershor 2022, 06:18 Nga DOSJA
Më shumë frikë sesa dëm për Donnaruman, gishti i

ITALI - Më shumë frikë sesa dëm për Gianluigi Donnarumma. Në aksionin final të ndeshjes së Nations League ndërmjet Italisë dhe Gjermanisë (1-1), portieri i PSG-së, pas një dueli në ajër me Antonio Rüdiger, pësoi një dëmtim në dorën e majtë. Saktësisht në gishtin e vogël, për të cilin stafi mjekësor ndërhyri që në fushë, por edhe pas fërshëllimës së fundit të gjyqtarit. 

Pas ekzaminimeve të nevojshme mjekësore të kryera gjatë ditës së dielë, nuk u konstatuan fraktura apo komplikime. Prandaj, Donnarumma do të mbetet me shokët e tij të kombëtares në Coverciano (Firence). Italia do të përballet me Hungarinë të martën në mbrëmje (21:00).

B.T (Dosja.al)

Sondazh

Poll

MË SHUMË