Bota

25 Korrik 2019, 10:34 Nga DOSJA

Kinë-54-vjeçarja, Li Yanxia, e cila dikur u përshëndet si një filantrope për adoptimin e 118 fëmijëve, është dënuar me 20 vjet burg. Ajo u shpall fajtore në Gjykatën e Wu’an në provincën Hebei, një ditë më parë,  për grabitje, mashtrim dhe falsifikim. Ish-pronari i jetimores, e cili dikur quhej “Nënë Dashuria”, u gjobit gjithashtu  me 311.000 dollarë.  Pesëmbëdhjetë bashkëpunëtorë, duke përfshirë edhe të dashurin e saj, u dënuan gjithashtu me burg. Xu Qi, i dashuri i saj, u akuzua për zhvatje, mashtrim dhe lëndim të qëllimshëm. Ai mori një dënim prej 12,5 vjet burg.

“Ajo ka kryer mashtrime së bashku me bandën për të fituar përfitime të mëdha ekonomike me fëmijët”, tha prokurori nga Gjykata Popullore e Qytetit Wu’an në Weibo.

Mashtrimi i gruas:

Li u bë personazh publik për herë të parë në vitin 2006 pasi doli lajmi nga fakti se ajo kishte adoptuar dhjetëra fëmijë në qytetin e saj të Wu’an, një qytet i vogël në krahinën e Hebei.

Ajo u tha medias se ajo dikur kishte qenë e martuar, por ishte divorcuar. Ish-burri i saj e kishte shitur djalin e tyre tek një trafikant për para. Ajo tha se ajo arriti të kthejë djalin e saj prapa,  dhe për këtë arsye  vendosi “të ndihmonte” fëmijët e tjerë.

Gjatë viteve ajo mori një pasuri të konsiderueshme, duke u bërë një nga gratë më të pasura në Hebei. Dhe në vitin 1996, ajo bleu një kompani të minierave të hekurit.

Ajo vazhdoi të adoptonte dhjetëra fëmijë të tjerë dhe përfundimisht hapi një jetimore, të cilën e quajti “Dashuria e Fshatit”. Numri i fëmijëve nën kujdesin e saj arriti kulmin në vitin 2017 me 118 fëmijë.

Burimi: BBC

J.V/Dosja.al 

Tirana është boshatisur për ditët e pushimit. Cilën nga ritet e shenjta po ndiqni:

View Results

bota bota adoptoi 118 fëmijë li yanxia mashtruesja e sofistikuar adoptoi 118 fëmijë li yanxia mashtruesja e sofistikuar

Sondazh

Poll

MË SHUMË