Art&Argëtim

I dha Sabianit? Ilir Shaqiri zbulon çfarë bëri me paratë që fitoi nga "BBV": I kam shpërndarë

Ilir Shaqiri tregoi dhe se çfarë ishte bërë me paratë, duke bërë me dije se kishte dhuruar 2 shtëpi për bamirësi, ndërsa paratë e tjera i kishte shpërndarë.

2 Qershor 2022, 13:14 Nga DOSJA
I dha Sabianit? Ilir Shaqiri zbulon çfarë bëri me paratë
Pamje nga dasma e Ilir Shaqirit

TIRANË- Balerini Ilir Shaqiri ka treguar më shumë detaje lidhur me jetën e tij, e projektet që ka në mendje për të realizuar pas "Big Brother VIP". Në një intervistë të dhënë për "Revista Who", Shaqiri tregoi dhe se çfarë ishte bërë me paratë, duke bërë me dije se kishte dhuruar 2 shtëpi për bamirësi, ndërsa paratë e tjera i kishte shpërndarë. Sigurisht edhe një pjesë e kishte marrë dhe miku i tij, këngëtari Sabiani. 

Pyetje: Ç’u bë me paratë e BBVIP?

Ilir Shaqiri: Me paratë e BBV u bë ajo që duhej të bëhej, ajo që unë kisha dëshirë të bëhej. Gjysmat e parave shkuan për bamirësi dhe kjo bamirësi do bëhet shumë shpejt konkrete. Do dhurohen 2 shtëpi për dy familje që kanë nevojë të kenë një çati mbi kokë. Dëshira ime fillestare ishte të bënim diçka që ka lidhje me artin, talentin, por të krijosh një projekt të tillë do kohë kështu që unë nuk dua që paratë të mbeten në ajër dhe të mos kemi një konkretizim prandaj më mirë vendosa të bënim diçka më konkrete, më të shpejte. Sa i përket talenteve, nga shtatori do kemi surpriza të tjera, kam shumë miq që janë gati të marrin pjesë dhe të konkretizojnë ëndrrën time në zbulim të talenteve. Një pjesë të parave e kanë marrë familjarët e mi, mami, babi, për sakrificën që kanë bërë ndër vite; një pjesë Emanuela për sakrificën për ato muaj të vështirë, që i rezistoi uraganit Big Brother dhe çdo fjale, provokimi; një pjesë vëllait tim Oltit; një pjesë Sabiani për miqësinë dhe respektin që u krijua në shtëpi; një pjesë tjetër u harxhua për dasmën. Mua më ngeli emri i fituesit dhe jam shumë i kënaqur. Nuk erdha në Shqipëri për të bërë lekë. Erdha për të provuar një aventurë, për të treguar kush jam unë, me të mira dhe të këqijat.

Mesa duket balerini e ka mbajtur premtimin që bëri brenda shtëpisë më të famshme në Shqipëri...

Sondazh

Poll

MË SHUMË