Bota

"Duhet të çmilitarizojmë NATO-n", televizioni shtetëror rus pretendon se ka filluar Lufta e Tretë Botërore

Duke folur me shikuesit në emisionin e saj Rossiya-1, Olga Skabeyeva sugjeroi se Rusia tani po përballet me një situatë ku do t'i duhej të "çmilitarizonte" NATO-n.

31 Maj 2022, 15:52 Nga DOSJA
"Duhet të çmilitarizojmë NATO-n", televizioni
Olga Skabeyeva

RUSI- "Operacioni special" i Kremlinit në Ukrainë ka marrë fund dhe Lufta e Tretë Botërore ka filluar, sipas një spikere të televizionit shtetëror rus.

Duke folur me shikuesit në emisionin e saj Rossiya-1, Olga Skabeyeva sugjeroi se Rusia tani po përballet me një situatë ku do t'i duhej të "çmilitarizonte" NATO-n.

"Ndoshta ka ardhur koha për të pranuar, ndoshta, se operacioni special i Rusisë në Ukrainë ka përfunduar. Në kuptimin që ka filluar një luftë e vërtetë. Për më tepër, është Lufta e Tretë Botërore. Ne jemi të detyruar të çmilitarizojmë jo vetëm Ukrainën, por të gjithë NATO-n”.-tha ajo.

Javën e kaluar, ministri i jashtëm i Ukrainës Dmytro Kuleba tha se vendit tani i duheshin armë të rënda për të luftuar efektivisht kundër pushtuesve rusë në Ukrainën lindore. Kuleba, duke marrë pjesë në një sesion të drejtpërdrejtë pyetje-përgjigje me përdoruesit e Twitter, tha gjithashtu se bisedimet e paqes me Rusinë nuk po zhvillohen realisht.

Megjithatë, në një pengesë të mundshme për Ukrainën, Presidenti i SHBA Joe Biden hodhi poshtë dje raportet se SHBA po shqyrtonte dërgimin e sistemeve të raketave me rreze të gjatë në vend.

(D.a/dosja.al)

Sondazh

Poll

MË SHUMË