Bota

Ukraina do të ndjekë penalisht 80 të dyshuar për krime lufte

Prokurorja e Përgjithshme vazhdoi duke thënë se Estonia, Letonia dhe Sllovakia kishin vendosur t'i bashkoheshin një ekipi hetimor ndërkombëtar në Ukrainë. 

31 Maj 2022, 15:39 Nga DOSJA
Ukraina do të ndjekë penalisht 80 të dyshuar për krime lufte
Iryna Venediktova

UKRAINË- Prokurorja e Përgjithshme e Ukrainës, Iryna Venediktova, ka thënë se vendi do të fillojë të ndjekë penalisht 80 kriminelë të dyshuar të luftës në mes të pushtimit rus të vendit.

Prokurorja e Përgjithshme vazhdoi duke thënë se Estonia, Letonia dhe Sllovakia kishin vendosur t'i bashkoheshin një ekipi hetimor ndërkombëtar në Ukrainë. 

Zyra e Prokurorisë së Pëgjithshme ka hapur tashmë më shumë se 8,000 hetime penale në lidhje me luftën dhe ka identifikuar 600 të dyshuar.

Javën e kaluar, në rastin e parë të këtij lloji të lidhur me luftën, një gjykatë ukrainase dënoi një ushtar rus të kapur me dënim maksimal me burgim të përjetshëm për vrasjen e një civili. 

Më herët sot, një gjykatë në Ukrainë dënoi dy ushtarë rusë për krime lufte për granatimet e ndërtesave civile dhe i dënoi të dy me 11 vjet e gjysmë burg. Kremlini vazhdon të mohojë se trupat e tij janë përgjegjëse për vrasjen e civilëve në Ukrainë.

(d.a/dosja.al)

Sondazh

Poll

MË SHUMË