Aktualitet

HARTA LIVE- Stuhi në Ballkan, shtrëngatat 'pushtojnë' vendin, breshëri shkatërron të mbjellat

Stuhia, që ka përfshirë dhe vendin tonë, ka sjellë reshje shiu dhe erëra të forta, që do të vazhdojnë edhe për disa ditë të tjera. Gjithçka do të nisë me vranësira, që në lindje do të shoqërohen me reshje shiu të herëpashershme me intensitet të ulët deri mesatar në formën e shtrëngatave dhe stuhive.

29 Maj 2022, 13:58 Nga DOSJA
HARTA LIVE- Stuhi në Ballkan, shtrëngatat 'pushtojnë'
Foto ilustruese

TIRANË- Ashtu siç edhe ishte parashikuar nga Estofex, sistemi evropian i paralajmërimit të motit të keq, një stuhi ka përfshirë të gjithë rajonin e Ballkanit. Stuhia, që ka përfshirë dhe vendin tonë, ka sjellë reshje shiu dhe erëra të forta, që do të vazhdojnë edhe për disa ditë të tjera. Por reshjet e dendura të shiut, ndonëse nuk zgjatën për shumë orë, ka sjellë problematikat e para në disa qytete të ndryshme të vendit.

Breshëri ka shkatërruar të mbjellat e fermerëve në Korçë, e po ashtu era e fortë ka shkaktuar edhe probleme me energjinë elektrike në disa fshatra. Në qytetin e Elbasanit, si pasojë e rrebeshit të shiut është thyer një pemë dhe ajo ka bllokuar rrugën pranë Urës së Zaranikës, ndërsa në Librazhd, një makinë si pasojë e rrugës së rrëshqitshme duke lënduar 3 persona. Por shiu i rënë, qarku i Lezhës është përfshirë nga stuhi me reshje te dendura shiu, të cilat kanë krijuar probleme në disa zona pasi uji ka vërshuar nëpër rrugë dhe lagje, madje duke prekur dhe disa biznese.

Edhe pse me shi, pritet që moti sot të altërnojë edhe me diellin, edhe pse nuk do të mungojnë as shtrëngatat. Hera-herës dhe lokalisht reshjet me intensitet deri të lartë në formën e rrebesheve dhe stuhive shoqëruar me shkarkesa elektrike dhe breshër. Po ashtu, parashikohet një rënie e ndjeshme e temperaturave. E hëna gjithashtu parashikohet me reshje shiu e shtrëngata. Lokalisht reshjet do të jenë në formën e rrebesheve, breshërit me shkarkesa elektrike.

E kundërta do të ndodhë ditën e martë kur moti në të gjithë vendin parashikohet i kthjellët.

Në ditët e ardhshme do të jenë të pranishme kryesisht vranësirat e larta shtresore të cilat do të sjellin praninë e zagushisë, ndërsa temperaturat do të pësojnë rritje duke i bërë keto ditë të fundit të pranverës si ditë vere të verteta. Ndërsa era parashikohet të fryjë kryesisht nga kuadrati i jugut e lehtë e mesatare duke sjellë një valëzim të forcës 3 ballë.

(k.m/dosja.al)

 

Sondazh

Poll

MË SHUMË