Aktualitet

Shuhet ish-Presidenti Nishani në Gjermani, 3 muaj i shtruar në spital, lajmi trondit politikën (Reagimet)

Nishani kaloi në vdekje klinike pa mundësi rikthimi në jetë.

28 Maj 2022, 14:13 Nga DOSJA
Shuhet ish-Presidenti Nishani në Gjermani, 3 muaj i shtruar në spital,
Bujar Nishani

TIRANË- Ish-Presidenti i Republikës së Shqipërisë, Bujar Nishani, ka ndërruar jetë në moshën 56-vjeçare. Tre muaj pasi ishte shtruar në një spital në Gjermani pasi vuante nga një sëmundje autoimune në mëlçi e pasojat e Covid-19 që kishte kaluar një vitë më parë, Nishani mbylli sytë e u nda nga kjo jetë duke tronditur politikën në Shqipëri e përtej kufijve.  Nishani kaloi në vdekje klinike pa mundësi rikthimi në jetë e sot u vendos që t’i hiqeshin tubat duke e çuar drejt banesës së përjetshme. Situata shëndetësore e ish-kreut të shtetit u rëndua së fundmi. Tre muaj më parë ai u shtrua fillimisht në spitalin “Shfeqet Ndroqi”, por kur nuk u pa asnjë përmirësim, Nishani u nis me urgjencë drejt Gjermanisë për mjekim, ku edhe dha frymën e fundit.

Bujar Nishani lindi më 29 shtator 1966 dhe mandatin presidencial, ai e mori me fillim në 24 korrik 2012 dhe e përmbylli më 24 korrik 2017. Lajmi i hodhur tronditi dhe selinë blu sot që zgjidhi Kryesinë e Re. Emri i tij ishte mes 46 kandidatëve, porn ë mesditë, Komisioni ndaloi së numëruari votat e Nishanit pasi morën lajmin e hidhur. Me lot në sy, demokratët ulën kokat e mbajtën një minutë heshtje në nderim të një nga bashkëpunëtorëve më të ngushtë të selisë blu që prej ditës së sotme, nuk jeton më. Në familjen Nishani ka dhimbje, pork y lajm i hidhur ka bashkuar të majtë e djathtë me mesazhe ngushëllimi. Kryeministri Edi Rama, kreu i PD-së, Sali Berisha, demokratë e socialist përcollën ngushëllimet e tyre përmes mesazheve prekëse të postuara në rrjetet sociale. Ngushëllime pati edhe jashtë kufijve të Shqipërisë, nga politika në Maqedoninë e Veriut e në Kosovë, ku e kujtuan për mbështetjen që Nishani u dha si President, deri në frymën e fundit.

Ngushëllimet shprehur edhe pasardhësi i tij në krye të shtetit, Ilir Meta, Edith Harxhi, Edi Paloka, Enkelejd Alibeaj, Tritan Shehu, Ina Zhupa, Belind Këlliçi, Klevis Balliu, Oerd Bylkbashi, Lulzim Basha, Gazment Bardhi, Monika Kryemadhi, Lindita Nikolla, Damian Gjiknuri dhe Elisa Spiropali. Të gjithë shkruanin njëri pas tjetrit për vlerat që la pas Nishani, Presidenti pozitiv, i qetë e i matur i Shqipërisë. Reagimin e vetëm nga familja e ka bërë mbesa modele e ish-Presidentit, ish-banorja e Big Brother, Beniada Nishani. Ajo shkruante me dhimbje se xhaxhai i saj nuk konsiderohet i vdekur për aq kohë sa vijon të jetojë në zemrat e atyre që e duan. Beniada shprehur mbështetje ndaj vajzës së ish-Kreut të Shtetit, Fiona Nishani.

Ende nuk dihet se kur do të bëhet varrimi i Nishanit apo homazhet. Trupi i tij ndodhet ende në Gjermani e po vijohet me procedurat për sjelljen në Shqipëri. Bujar Nishani la pas të shoqen Odeta, vajzën, Fiona dhe djalin, Ersi.

(a.b;f.m/dosja.al)

Sondazh

Poll

MË SHUMË