Bota

'Do çlirohemi siç bëtë ju'/ Media serbe: Skandal i pafalshëm! Klitçko fyen brutalisht serbë

Gjatë bisedës për portalin e shqiptarëve nga Zvicra “Le Canton 27”, Klitschko ka falënderuar shqiptarët dhe shtetin e Kosovës për mbështetjen ushtarake dhe solidaritetin me popullin ukrainas.

26 Maj 2022, 16:16 Nga DOSJA

 

'Do çlirohemi siç bëtë ju'/ Media serbe:
Vitali Klitschko

 

BEOGRAD- Boksieri i njohur ukrainas dhe kryebashkiaku aktual i Kievit, Vitali Klitschko ka përmendur Serbinë në një nga daljet e tij publike, duke shkaktuar shumë trazira në Beograd. Gjatë bisedës për portalin e shqiptarëve nga Zvicra “Le Canton 27”, Klitschko ka falënderuar shqiptarët dhe shtetin e Kosovës për mbështetjen ushtarake dhe solidaritetin me popullin ukrainas.

"Më vjen shumë mirë që kam takuar një gazetar shqiptar për herë të parë, që është një mundësi e mirë për të përcjellë një mesazh për ju, popullin shqiptar në Ballkan. Kemi dëgjuar dhe lexuar që ju jeni shqiptarë, si ne ukrainasit, njerëz të paqes. Sot ne po luftojmë kundër regjimit rus që po përpiqet të pushtojë Ukrainën, si ju që dikur ishit të pushtuar nga Serbia,”- tha Klitschko për gazetën zvicerane. Ish-kampioni falënderoi shqiptarët për solidaritetin e tyre me Ukrainën.

"SKANDAL I PAFALSHËM! KLITÇKO FYEN BRUTALISHT SERBËT: Shqiptarët luftuan kundër Okupatorit SERB dhe ne do të bëjmë të njëjtën gjë kundër rusit!,"-kështu e ka titulluar lajmin media serbe, Kurir. Ndërsa në tekst, Klitschko ka falënderuar Kosovën dhe shqiptarët për solidarizimin me Ukrainën si në aspektin ushtarak ashtu edhe me ndihma humanitare. 

(k.m/dosja.al)

Sondazh

Poll

MË SHUMË