Aktualitet

Arrestimi i Ballist Morinës, sqarimi i policisë: Është i dënuar nga Gjykata e Durrësit

Morina është dënuar nga Gjykata e Durrësit me 5 muaj e 12 ditë burgim. 

25 Maj 2022, 12:16 Nga DOSJA
Arrestimi i Ballist Morinës, sqarimi i policisë: Është i
Policia kukes

KUKËS- Detaje të reja nga arrestimi i Ismail Morinës. Policia e Kukësit informon se arrestimi i 40-vjeçarit është kryer pasi ishte i shpallur në kërkim për veprën penale “Prodhimi dhe mbajtja pa leje e armëve luftarake dhe municioneve”. Morina është dënuar nga Gjykata e Durrësit me 5 muaj e 12 ditë burgim. 

NJOFTIMI I POLICISË:

Efektivët e Komisariatit të Policisë Kukës ndaluan shtetasin Ismail Morinaj, 40 vjeç, banues në fshatin Shikaj, Kukës, i shpallur në kërkim për llogari të DVP Durrës. Ky shtetas u ndalua pasi gjatë verifikimeve ka rezultuar person në kërkim nga Drejtoria Vendore e Policisë Durrës. Për këtë shtetas, Gjykata e Rrethit Gjyqësor Durrës ka vendosur revokimin e vendimit penal të Gjykatës së Rrethit Gjyqësor Tiranë, për lirimin e tij me kusht dhe ka caktuar vuajtjen e pjesës së mbetur të dënimit, 5 muaj e 12 ditë burgim, për veprën penale “Prodhimi dhe mbajtja pa leje e armëve luftarake dhe municioneve”. Procedurat e mëtejshme për këtë shtetas do të kryhen nga DVP Durrës.

Arrestimi i tij u bë publik nga kryetari i Partisë Demokratike Sali Berisha. Kreu i PD akuzoi Ramën për ndalimin e Morinës, madje bëri thirrje për lirimin nga burgu.

(a.b)/dosja.al

Sondazh

Poll

MË SHUMË