Aktualitet

I shpallur në kërkim për armëmbajtje pa leje, arrestohet në Kukës Ballist Morina

Arrestimin e tij e bëri publike edhe kryetari i Partisë Demokratike, Sali Berisha

25 Maj 2022, 10:58 Nga DOSJA
 
I shpallur në kërkim për armëmbajtje pa leje, arrestohet
Ballist Morina

KUKËS- Ismail Morina, i njohur si Ballist Morina, është arrestuar ditën e sotme. I riu i cili njihet si shqiptari që ngriti flamurin gjatë ndeshjes në Beograd u vu në pranga nga policia kufitare. Morina i cili po kthehej nga Kosova, ishte i shpallur në kërkim pasi kishte edhe 5 muaj e 12 ditë burg pa shlyer për armëmbajtje pa leje.

Arrestimin e tij e bëri publike edhe kryetari i Partisë Demokratike, Sali Berisha në një postim në rrjetin e tij social. Ai akuzoi drejtëpërdrejtë kryeministrin Edi Rama për këtë ndalim të Morinës.

Kush është Ismail Morina?

Ballist Morina, emri i vërtetë i të cilit është Ismail Morina u bë i njohur pasi ngriti dronin me simbolet etnike në ndeshjen Serbi-Shqipëri. Në minutën e 41 të saj, Morina i fshehur në majë të stadiumit lëshoi dronin me flamurin pro-shqiptar, duke bërë që lojtarët serbë të tensionohen dhe ta marrin atë. Por si kundërpërgjigje, lojtarët shqiptarë nuk e lanë ta merrnin duke e marrë ata në dorë. Më pas ndeshja vijoi me goditje nga të dyja palët derisa u ndërpre pasi tifozët serbë filluan ti gjuanin lojtarët e kombëtares shqiptare.

(a.b)dosja.al

Sondazh

Poll

MË SHUMË