Sport

Autobusi i Interit përfundon në mes të festës së Milanit, tifozët nisin ofendimet; shoferi frikësohet dhe...

Gjysma tjetër e qiellit të Milanos, ajo e Interit, kishte hequr shallet dhe flamujt shumë kohë përpara se të vinte fërshëllima e trefishtë e arbitrit në takimin Sassuolo-Milan

23 Maj 2022, 22:16 Nga DOSJA

Autobusi i Interit përfundon në mes të festës së
ITALI- Gjysma tjetër e qiellit të Milanos, ajo e Interit, kishte hequr shallet dhe flamujt shumë kohë përpara se të vinte fërshëllima e trefishtë e arbitrit në takimin Sassuolo-Milan. Titulli i kampionit të Italisë i shkon ‘djallit’, tifozët kuqezi janë në rrugë duke u gëzuar për triumfin. Është vetëm gjysma e parë e festës aktuale të bërë sot me autobusin që u nis nga Casa Milan i shoqëruar nga krahët e një turme nëpër rrugët e qendrës për të arritur në Piazza Duomo, duke ndjekur një rrugë të paracaktuar.

Ka një episod që nuk ka kaluar pa u vënë re dhe është autobuzi i Interit që ka kaluar drejt tifozëve të Milanit. Nga pamjet mund të shihet se si autobusi mbërrin pranë një kryqëzimi, por detyrohet të ndalojë: bllokohet nga një makinë në radhë dhe grupe tifozësh 'djallëzorë', të cilët, duke besuar se do të gjejnë lojtarët e Interit, afrohen duke filluar fyerjet dhe shakatë ironike.

Në fakt automjeti ishte bosh, duke pasur parasysh se lojtarët ishin lënë të lirë të largoheshin me mjetet e tyre. Çfarë ndodhi me autobuzin? Sekuenca e imazheve e shpjegon mirë: megjithëse semafori tregon të kuqe, shoferi - ndoshta i frikësuar nga turma që është krijuar rreth tij - kalon kryqëzimin me nxitim. Ai manovron duke shmangur një makinë dhe i jep gaz për t'u larguar menjëherë nga ai vend.


E.Ç (Dosja.al)

Sondazh

Poll

MË SHUMË