Sport

Ish-mbrojtësi francez Mendy, deklarohet ‘i pafajshëm’ për nëntë akuzat seksuale

Gjatë një seance paragjyqësore të hënën në mëngjes, ish-mbrojtësi i francez i Manchester Cityt, nuk pranon asnjë nga veprat e dyshuara seksuale kundër tij

23 Maj 2022, 16:57 Nga DOSJA

Ish-mbrojtësi francez Mendy, deklarohet ‘i pafajshëm’

ANGLI - Në këmbë, përballë gjyqtarit Everett, me një kostum dhe kravatë të errët, në sallën e gjyqit nr. 1 në ‘Chester Court’, Benjamin Mendy shpallet "i pafajshëm" nëntë herë, gjatë leximit të detajuar të akuzave për shkelje seksuale kundër tij. 

Siç pritej, gjatë kësaj seance paraprake, Benjamin Mendy u deklarua i pafajshëm, të hënën vonë në mëngjes, për faktet e supozuara, për të cilat ai dyshohet në Angli: shtatë akuza për përdhunim (nga katër ankues të rinj), një përpjekje për përdhunim dhe sulm seksual.

Faktet që do të kishin ndodhur midis 25 tetorit 2018 (për akuzën e përdhunimit në tentativë dhe 23 gushtit, tre ditë para arrestimit të tij). Tre nga ankesat për përdhunim kanë të bëjnë me datën 11 tetor 2020, dy të tjera më 24 korrik 2021 dhe dy të fundit më 23 gusht 2021, pra ankesa për sulm seksual përmend edhe datën 2 janar 2021.

Kjo është hera e parë që lojtari, i shoqëruar nga një truproje, ka pasur mundësinë të japë pozicionin e tij përballë drejtësisë britanike. Nuk kishte asnjë dyshim, pasi ai i mohon akuzat me të cilat përballet që nga fillimi i kësaj afere, e cila shpërtheu publikisht në fund të gushtit. Që atëherë, Benjamin Mendy (27 vjeç) ka kaluar më shumë se katër muaj në paraburgim, përpara se të lirohej me kusht më 7 janar. Gjyqi i tij ishte caktuar për 25 korrik, për një periudhë prej gjashtë javësh.

I bashkëakuzuari Louis Saha Matturie, një anëtar i supozuar i rrethit të Mendy, gjithashtu u deklarua "i pafajshëm" për dymbëdhjetë akuza kundër tij, duke përfshirë tetë akuza për përdhunim. Dy burrat u ulën krah për krah në bankën e të akuzuarve gjatë kësaj seance paraprake, e cila rifilloi rreth orës 15:00 të hënën.

B.T (Dosja.al)

Sondazh

Poll

MË SHUMË