Sport

'Ulen armët'? Zbardhen prapaskenat në 'Kupën e Botës', Veliaj kokë më kokë me Dukën

Dosja.al ka arritur të mësoje se pavarësisht përplasjeve mes tyre që tashmë është zhvendosur në Gjykatë, kreybashkiaku e ka prezantuar Dukën para Silvës.

22 Maj 2022, 16:39 Nga DOSJA
'Ulen armët'? Zbardhen prapaskenat në 'Kupën e
Erion Veliaj, Armand Duka dhe Gilberto Silva

TIRANË- Kryebashkiaku Erion Veliaj është ‘zbutur’ para Presidentit të Federatës Shqiptare të Futbollit, Armand Duka. Dosja.al ka arritur të sigurojë foto ku Veliaj e Duka shihet teksa bisedojnë kokë më kokë me njëri-tjetrin.

Mes tyre duket edhe prsonaliteti i futbollit botëror, Gilberto Silva, i cili ka ardhur në vendin tonë si ambasador i ‘Kupës së Botës’. Dosja.al ka arritur të mësoje se pavarësisht përplasjeve mes tyre që tashmë është zhvendosur në Gjykatë, kreybashkiaku e ka prezantuar Dukën para Silvës.

“Ky është Presidenti i Federatës Shqiptarë të Futbollit, Armand Duka,”- mësohet të ketë thënë Veliaj.

Të jetë kjo një kotezi në sy të miqve? Veliaj dhe Duka u bënë bashkë sot në Kryeministri pas muaj pas përplajseve të forta mes tyre. Gjithçka nisi prag zgjedhjeve për kreun e ri të FSHF-së. Veliaj deklaronte publikisht se kishte marrë zotimin për të pastruar futbollin siç e ka quajtur ai vetë nga ‘llumi i Shijakut’ duke i kujtuar presidentit aktual të Federatës Shqiptare të Futbollitt rastin e ish-presidentëve të FIFAs, Josef Blater dhe Michel Platini.

Ai e akuzoi Dukën për shpërdorimin e rreth 2.1 milion euro fonde të UEFA-s dhe FIFA-s. Prokuroria e Tiranës nisi një hetim për Dukën, me akuzën e shpërdorimit të detyrës. FSHF vuri në dispozicion edhe një material audio, ku dëgjohet zëri i kryebashkiakut Veliaj, që kërkon mbështetjen në bllok të kandidatit Eduard Prodani, ndërkohë që nuk mund të numërohen herët që kryebashkiaku lëshon gojën në mënyrë të rëndomtë e vulgare, duke përmendur organet gjenitale.

(f.m/dosja.al)

Sondazh

Poll

MË SHUMË