Politike

Shtyhet deri në orën 20:00 votimi për kreun e PD

Shtyrja është bërë pas kërkesave të degëve.

22 Maj 2022, 16:10 Nga DOSJA
Shtyhet deri në orën 20:00 votimi për kreun e PD
Partia Demokratike

TIRANË- Procesi i votimit për zgjedhjen e kreut të ri të Partisë Demokratike do të zhvillohet deri në orën 20:00. Përmes një njoftimi zyrtar, bëhet me dije se shtyrja është bërë pas kërkesave të degëve. Komisioni i Organizimit dhe Kontrollit të Operacioneve Elektorale fton të gjithë anëtarët e PD të bëhen pjesë e procesit të votimit për zgjedhjen e Kryetarit të PDSH me parimin “një anëtar një votë”.

Njoftimi i plotë:

Komisioni i Organizimit dhe Kontrollit të Operacioneve Elektorale pranë Partisë Demokratike njofton se pas kërkesave të shumta të ardhura prej degëve, ka vendosur të shtyjë orarin e votimit deri në orën 20.00. Komisioni i Organizimit dhe Kontrollit të Operacioneve Elektorale fton të gjithë anëtarët e PD të bëhen pjesë e procesit të votimit për zgjedhjen e Kryetarit të PDSH me parimin “një anëtar një votë”.

Sot demokratët zgjedhin kreun e ri të PD. Sipas njoftimit të PD-së, zgjedhjet kanë nisur që në orën 08:00. Kandidatë janë dy, ish-kryeministri dhe lideri historic Sali Berisha e Ibsen Elezi.

(F.m/dosja.al)

Sondazh

Poll

MË SHUMË