Aktualitet

Shqiptari kapet në ‘shtëpinë e barit’ në Angli/ 22-vjeçari: U kisha borxh njerëzve që më sollën

Oficerët gjetën bimë kanabis që rriteshin "mur më mur" në dy dhoma gjumi në katin e sipërm, të pajisura me ndriçim, ventilatorë dhe kohëmatës, ndërsa matësi i energjisë elektrike ishte anashkaluar, duke siguruar energji falas.

22 Maj 2022, 14:08 Nga DOSJA
Shqiptari kapet në ‘shtëpinë e barit’ në Angli/
Eridon Hasanpapaj

BRITANI E MADHE- Gjykata angleze ka dënuar me 1 vit burg një 22-vjeçar shqiptar për kultivim kanabisi. Eridon Hasanpapaj u kap duke rritur bimët e kanabisit të cilat nëse do të hidheshin në treg do të kapnin vlerën e 50 mijë eurove.

Duke qenë se Eridon Hasanpapaj ishte në borxh ndaj atyre që e sollën në Angli ilegalisht, ndaj dhe ai ndjeu se nuk kishte zgjidhje tjetër veçse të punonte në shtëpi bari.

Oficerët gjetën bimë kanabis që rriteshin "mur më mur" në dy dhoma gjumi në katin e sipërm, të pajisura me ndriçim, ventilatorë dhe kohëmatës, ndërsa matësi i energjisë elektrike ishte anashkaluar, duke siguruar energji falas.

Kur policia bastisi ‘shtëpinë e barit’ gjeti dy dhoma gjumi në katin e sipërm të ndërtesës të pajisura me ndriçim, ventilatorë dhe kohëmatës, ndërsa sahati i energjisë elektrike ishte hequr duke e vjedhur energjinë elektrike. Hasanpapaj u gjet i vetëm në banesë gjatë kontrollit të policies.

“Ai ishte borxhli ndaj atyre që e sollën në këtë vend dhe atij iu afruan disa persona në Londër, të cilët nuk flisnin shqip. Ata i thanë të hipte në një makinë dhe më pas e dërguan në ndërtesën ku rritej kanabisi. Atij iu dhanë udhëzime se çfarë duhet të bënte kur të mbërrinte në shtëpi. Duke pasur parasysh borxhin ai ndjeu se nuk kishte zgjidhje tjetër veçse të zbatonte udhëzimet që i ishin dhënë,”- deklaroi avokati i tij. Gjykata nga ana e saj e dënoi 22 vjeçarin shqiptar me 1 vit burg dhe më pas do të dëbohet për në Shqipëri.

Hasanpapaj, i cili ishte i vetmi i pranishëm është arrestuar. Edhe pse ai nuk bëri asnjë koment në polici kur u intervistua, me ndihmën e një përkthyesi shqiptar, i pandehuri 22-vjeçar, i cili nuk ka pasur dënime të mëparshme në Shqipëri.

Marrë nga thenorthernecho.co.uk

(k.m/dosja.al)

Sondazh

Poll

MË SHUMË