Sport

Presidenti i FIFA, Infantino i shkruan Dukës: “Kënaqësi të vizitoj Shqipërinë”

Presidentit Infantino pritet të jetë në ceremoninë e inaugurimit të “Shtëpisë së Futbollit”, një investim i madh i FIFA-s, si dhe në festimet e 90-vjetorin e anëtarësimit të Shqipërisë në qeverinë e futbollit botëror.

19 Maj 2022, 15:21 Nga DOSJA

Presidenti i FIFA, Infantino i shkruan Dukës: “Kënaqësi

TIRANE - Presidenti i FIFA-s, Gianni Infantino do të jetë së shpejti në Tiranë për t’u takuar me drejtuesit e FSHF-së dhe anëtarët e komunitetit të futbollit shqiptar. Përmes një letre drejtuar presidentit të FSHF-së, Armand Duka, numri 1 i qeverisë së futbollit botëror, shkruan se mezi pret të vizitojë Shqipërinë.

Në vizitën e presidentit Infantino pritet të inaugurohet “Shtëpia e Futbollit”, një investim i madh i FIFA-s, si dhe të zhvillohen festimet për 90-vjetorin e anëtarësimit të Shqipërisë në qeverinë e futbollit botëror.

“I dashur President,

Jam shumë i kënaqur që pata rastin t’ju takoj javën e kaluar në Vjenë për Kongresin e 46-të të Zakonshëm të UEFA-s.

Siç edhe e diskutuam, do të jetë një kënaqësi e madhe për mua të vizitoj vendin tuaj në muajt në vijim, për t’u takuar me anëtarët e komunitetit shqiptar të futbollit dhe zyrtarët e qeverisë si edhe për të ndarë vizionin tonë për futbollin dhe mënyrat për të zhvilluar më tej lojën tonë dhe promovimin e vlerave të saj në Shqipëri dhe në rajon.

Zyrat tona do të kontaktojnë për të gjetur datën dhe orën e duhur për vizitën. Ndërkohë, ju uroj sa më shumë suksese për organizimin e finales së UEFA Conference League 2022 në Tiranë dhe pres me padurim, i nderuar President, t’ju shoh përsëri shumë shpejt.

Juaji sinqerisht”,- shkruan në letrën e tij presidenti i FIFA-s, Gianni Infantino.

Presidenti i FIFA, Infantino i shkruan Dukës: “Kënaqësi

B.T (Dosja.al)

Sondazh

Poll

MË SHUMË