Aktualitet

Çela: Prokurorët nuk hetojnë pastrimin e parave, vetëm 5 veta punojnë, të tjerët fshihen

Olsian Çela u shpreh se problemi më i madh është në Tiranë, aty ku ka vetëm 5 prokurorë që punojnë.

17 Maj 2022, 13:20 Nga DOSJA
Çela: Prokurorët nuk hetojnë pastrimin e parave, vetëm 5
Olsian Cela

TIRANË-Kryeprokurori Olsian Çela raportoi në Komisionin e Ligjeve për problemin në organet e akuzës në vend duke nxjerrë në pah disa çështje kryesore. Çela u shpreh se problemi më i madh është në Tiranë, aty ku ka vetëm 5 prokurorë që punojnë ndërsa të tjerët sipas tij, fshihen dhe nxjerrin justifikime. Po ashtu, Çela tha se prioritet është çështja e pastrimit të parave, por sërish shton se nuk është i kënaqur nga puna. 

“Ne ligjet i kemi shumë të mira. Problemi jonë është zbatimi. Policia gjyqësore. OPGJ nuk kishte asnjë të dhënë. Grupi i kontrollit ka qëndruar nga 6 muaj deri në një vit për të gjetur dosjen. Kemi bërë maksimumin. Kemi nxitur në çdo mbledhje. U kam kërkuar kontroll Policisë Gjyqësore. Dhe prokurorët raportojnë dhe kërkojnë masa për ta. Ajo që ne kemi menduar dhe jemi në kontakt me ekspertë. Ne do kemi mundësinë tani të kemi një prokuror dhe një OPGJ. Nuk mund të fshihen më prokurorët pas justifikimeve ku 5 veta punojnë dhe të tjerët fshihen. Ky do ketë indikator i mirë për ne për të kuptuar ku janë shqetësime. Si ka mundësi që asnjë drejtues prokurorie nuk ka sjellë sot asnjë rast. Pse ndodh kjo? Ndoshta ka diçka që duhet plotësuar. Prokurori i Përgjithshëm e ka bërë plotësisht detyrën e tij në këtë drejtim. Politika penale. Ne kemi prioritet pastrimin e parave. Prokurori i përgjithshëm mori përsipër për këtë aspekt. Pastrimi i parave jam dakord. Çfarë ndodh sot në Shqipëri. Nga ndërtohen këto që ndërtohen. Unë e kam shprehur këtë shqetësim. Sa referime ka sot nga drejtoria e tatimeve për seksionet e prokurorisë që merren me pastrimin e parave. Prokurori i Përgjithshëm mund të bëjë strukturën por heton. Prokuroria më e dobët në seksionin e pastrimit të parave është prokuroria më e madhe në vend (Tirana). Ky është problem. Duhet ta themi. Performon prokuroria e Fierit dhe Durrësit,”- tha Olsian Çela.

Sot, në Kuvend është dorëzuar raporti vjetor i Prokurorit të Përgjithshëm mbi gjendjen e kriminalitetit për vitin 2021 që përfshin shifra për ligjin e dekriminalizimit, veprat penale si dhe përqindjen e qarqeve. Kryeprokurori Olsian Çela, problemi kryesor me të cilin përballet organi i akuzës është pastrimi i parave.

(a.b)/dosja.al

Sondazh

Poll

MË SHUMË