Aktualitet

Masakroi bashkëatdhetarin me thikë dhe tentoi të arratisej, arrestohet 19-vjeçari shqiptar në Itali

Ngjarja ka ndodhur pasditen e 22 prillit ku pas një sherri banal një i ri mori dy plagë thike, një në barkë dhe një në kofshë. I plagosur ai kaloi pranë disa dyqaneve ku kërkoi ndihmë dhe disa tregtarë lajmëruan ambulancën, duke i shpëtuar jetën të riun që po humbte shumë gjak.

17 Maj 2022, 12:24 Nga DOSJA
Masakroi bashkëatdhetarin me thikë dhe tentoi të arratisej,
Pamje nga vendngjarja

ITALI-Karabinierët e Riminit arrestuan një nëntëmbëdhjetë vjeçar shqiptar i dyshuar për tentativën e vrasjes së një bashkëmoshatari të tij në një qytet në provincën e Bolonjës. 

Sipas mediave vendase, ngjarja ka ndodhur pasditen e 22 prillit ku pas një sherri banal një i ri mori dy plagë thike, një në barkë dhe një në kofshë. I plagosur ai kaloi pranë disa dyqaneve ku kërkoi ndihmë dhe disa tregtarë lajmëruan ambulancën, duke i shpëtuar jetën të riun që po humbte shumë gjak.

Falë një sërë dëshmish dhe aktivitetesh info-hetimore edhe nëpërmjet përdorimit të sistemeve teknologjike, aktiviteti i kryer nën drejtimin e Prokurorisë Publike Rimini ka bërë të mundur identifikimin, pavarësisht rezervave fillestare të palës së ofenduar që nuk pranoi të bashkëpunonte me hetuesit, autori i dyshuar i sulmit, i cili, siç u zbulua gjatë hetimeve, ishte larguar menjëherë nga Rimini ku punonte, duke u kthyer në zonën e Bolognese për të humbur gjurmët.

Kontrolli i kryer brenda banesës ku i riu ndodhej me një shok të tij, do të bënte të mundur edhe gjetjen e një thike, me teh 8 cm dhe dorezë 12 cm, e cila sipas hetuesve është përdorur për sulmin. Pas arrestimit, i riu u dërgua në burgun “Dozza” të Bolonjës.

(d.a/dosja.al)

Sondazh

Poll

MË SHUMË