Bota

Kritiku i Putinit, Navalny, apelon dënimin për nëntë vite burg

Në fund të marsit Navalny-t iu zgjat burgu në nëntë vite pasi u shpall fajtor për përvetësim dhe shpërfillje të gjykatës.

17 Maj 2022, 10:40 Nga DOSJA
Kritiku i Putinit, Navalny, apelon dënimin për nëntë vite
Alexei Navalny

RUSI- Kritiku i Putinit Alexei Navalny, do të apelonte sot dënin me nëntë vjet burg që iu dha në mars me akuza që ai dhe aleatët e tij thonë se janë të motivuar politikisht. Sipas France.24, seanca dëgjimore do të vijë pasi autoritetet ruse po kërkojnë që rtu mbyllin gojën kritikëve të mbetur të qeverisë ndërkohë që Moska vazhdon me fushatën e saj ushtarake në Ukrainën ku kanë mbetur të vdekur me me mijëra qytetarë.

Në fund të marsit Navalny-t iu zgjat burgu në nëntë vite pasi u shpall fajtor për përvetësim dhe shpërfillje të gjykatës. Ai tashmë po vuan prej afro tre vitesh në një burg rreth 100 kilometra (60 milje) në lindje të Moskës.

Sot ai do të apelojë zgjatjen e afatit të tij të burgimit, duke u bashkuar në seancën dëgjimore në një gjykatë në Moskë përmes lidhjes video nga burgu në të cilin ndodhet. Nëse dënimi i tij i ri hyn në fuqi, politikani 45-vjeçar i opozitës do të transferohet në burg të rreptë, gjë që do ta vendosë atë në kushte shumë më të rënda.

Dënimi i ri do të zëvendësojë atë të vjetër që iu dha në shkurt të vitit të kaluar që do të thotë se Navalny do të qëndrojë pas hekurave për tetë vjet të tjerë.Si pjesë e akuzave të reja, hetuesit akuzuan Navalny për vjedhje për përdorim personal të donacioneve në vlerë prej disa milionë dollarësh që iu dhanë organizatave të tij politike.

Navalny u bë i njohur si një bloger kundër korrupsionit dhe, para burgosjes së tij, mobilizoi protesta antiqeveritare në të gjithë Rusinë. Në vitin 2018, ai bëri fushatë si kandidat presidencial, por përfundimisht iu ndalua të kandidonte në zgjedhjet që Putini siguroi një mandat të katërt në pushtet. Në mungesë të tij, ekipi i Navalny vazhdon të publikojë hetime mbi pasurinë e elitave ruse.

(j.c)/dosja.al 

Sondazh

Poll

MË SHUMË