Bota

Burg përjetë për vrasësin e Glyka Nera, babai i Caroline: Do bëj gjithçka që mbesa mos ta takojë

Prindërit e Caroline Crouch kanë një qëllim; që ajo të mos e shohë kurrë babanë e saj.

17 Maj 2022, 08:57 Nga DOSJA

Burg përjetë për vrasësin e Glyka Nera, babai i Caroline: Do

Caroline Crouch dhe Babis Anagnostopoulos

GREQI- Dje, Gjykata e Athinës shpalli "fajtor" pilotin Babis Anagnostopoulos për vrasjen e bashkëshortes së tij, 20-vjeçares Caroline Crouch. Por vendimi i djeshëm nuk ka ndikuar për mirë në gjendjen e prindërve të viktimës, të cilët duket se janë dorëzuar dhe merren vetëm me rritjen e mbesës së tyre. Por me një qëllim; që ajo të mos e shohë kurrë babanë e saj.

“Sado vite që të kalojë ai në burg, Caroline nuk do të kthehet më. Të paktën jam i kënaqur që gjykata nuk i besoi marrëzitë që ai tha gjatë dëshmisë së tij. Gjithashtu jam i kënaqur sepse e di që do të vuajë dënimin në Korydallos, burgu më i ashpër në Greqi. Kam ndërmend të ndryshoj mbiemrin e Lydias që të mos lidhet me këtë krijesë të urryer në të ardhmen. Do të bëj gjithçka, në mënyrë që vajza e tij të mos e shohë më kurrë në jetën e saj,"-tha babai 79-vjeçar i Carolines së vrarë.

Sa vite do të qëndrojë në burg Babis Anagnostopoulos?

Sa vite janë dënimet e përjetshme plus 11.5 vite sipas ligjeve greke? “Dënim i përjetshëm”, dënimi maksimal me të cilin mund të dënohet, nënkupton 16 vite burg. Më pas, dënimi mund të apelohet sërish. Ndryshimi është se ndërsa pjesa tjetër e dënimeve i nënshtrohet zbutjes dhe uljes në varësi të burgut. Pasi të kryejë 16 vite burg, Babis mund të transferohet në një burg rural ose mund punojë me kohë të pjesshme atje.

1 vit nga vrasja e Caroline/ Babis shpallet fajtor, dënohet me burgim të përjetshëm
16 Maj, 15:55

Ngjarja ndodhi majin e vitit të shkuar. Babis Anagnostopulos u arrestua më shumë se një muaj pasi mbyti të shoqen në fillim të muajit maj, pasi u mundua ta fshihte krimin, duke sajuar një grabitje me protagonistë shqiptarë. 38-vjeçari pretendon vrau të shoqen pasi kjo e fundit i kishte kërkuar divorcin. Ndërkohë që me autorin në burg, u përfol edhe për bashkëpunëtorë por nuk u gjet asnjë provë.

Marrë nga Tovima.gr

(k.m/dosja.al)