Bota

'Kosova i përket Europës', Vuçiç i nervozuar me Gjermaninë: Edhe britanikët janë më korrekt

Presidenti theksoi se shumë diplomatë të huaj janë të pasjellshëm kur bëhet fjalë për presionin ndaj Serbisë dhe thirrja e Rusisë për rastin e Kosovës është një precedent që Rusia e përdor për qëllimet e veta.

15 Maj 2022, 12:49 Nga DOSJA
'Kosova i përket Europës', Vuçiç i nervozuar
Aleksander Vucic

SERBI-Presidenti serb Aleksandër Vuçiç fillimisht foli për aplikimin e Kosovës për anëtarësim në Këshillin e Evropës, ku komentoi dhe deklaratën e të dërguarit të posaçëm të Gjermanisë për Ballkanin Perëndimor, Manuel Sarrazin se Kosova e ka mbështetjen e Berlinit.

"Do të filloja, nëse më lejoni, në një mënyrë tjetër t’u drejtohem qytetarëve të Serbisë. Ndonjëherë është mirë që për disa gjëra të heshtim."-tha Vuçiç.

Presidenti theksoi se shumë diplomatë të huaj janë të pasjellshëm kur bëhet fjalë për presionin ndaj Serbisë dhe thirrja e Rusisë për rastin e Kosovës është një precedent që Rusia e përdor për qëllimet e veta.

“Ne i referohemi vetëm ligjit ndërkombëtar sepse jemi të vegjël dhe nuk kemi rrugëdalje tjetër, të tjerët kujdesen për Serbinë, sepse të mëdhenjtë përdorin parime pa parime."-vijoi Vuçiç.

Presidenti iu referua edhe thirrjeve të vendeve më të fuqishme të G7 në botë, të cilat e udhëzuan Serbinë që të harmonizojë politikën e saj me BE-në dhe të vendosë sanksione ndaj Rusisë, si dhe përshkroi bisedimet e tij private me shtetarët më të fuqishëm në Evropë dhe në botë. 

"Edhe britanikët sillen më korrekt se gjermanët, të paktën nuk do ta përdorin sëpatën menjëherë. Unë ua them të gjithëve personalisht, dhe ata më thonë tre herë më keq se ç'ka urdhëruar G7. Por unë do të shkoj në të gjitha takimet më të vështira. Nuk ka asnjë parim dhe nëse Rusia bën më keq se çfarë "bëri" Serbia."-përfundoi ai.

Emisari i qeverisë gjermane për Ballkanin Perëndimor, Manuel Sarrazin ka thënë të shtunën se Kosova është në zemër të Europës dhe se i përket Këshillit të Europës, duke theksuar qëndrimin e qartë se Kosova e ka mbështetjen e plotë të Gjermanisë në këtë proces.

(d.a/dosja.al)

Sondazh

Poll

MË SHUMË