Politike

Berisha nis takimin në Fier: Basha shkelmoi kushtetutën e PD

Ai përmendi shkarkimet e bëra nga Basha dhe tha se ai ishte kthyer në krijuesin e komunikatave.

14 Maj 2022, 18:17 Nga DOSJA
Berisha nis takimin në Fier: Basha shkelmoi kushtetutën e PD

FIER- Ish-kryeministri Sali Berisha ka nisur takimin me demokratët në Fier. Ai e nisi fjalimin e tij duke falenderuar të gjithë mbështetësit. Por, gjithashtu përmendi edhe ish-kryedemokratin Lulzim Basha, të cilin e konsideroi njeriun që i shkeli kushtetutën Partisë Demokratike. Ai përmendi shkarkimet e bëra nga Basha dhe tha se ai ishte kthyer në krijuesin e komunikatave.

“Dua të shpreh mirënjohjen e thellë për mbështetjen e jashtëzakonshme që ju dhatë në një moment kritik për pluralizmin në Shqipëri. I lejoj vetes në mënyrën më autokratike duke shkelmuar mbi kushtetutën e partisë. Ky vullnet është shprehur, por ai mori vendime tërësisht autokratike. Mori vendime me të cilat nuk ndërtohet demokracia. Në aparencë në mënyrë identike me të tjerët që ndjekin procedura demokratike. Ngritja juaj në këmbë nuk ishte asgjë tjetër në thelb përveçse një beteje për të rivendosur normat. Nuk ka betejë më të rëndësishme sepse në rast se duam të jemi të lirë duhet të zbatojmë ligjet. Liria e secilit prej nesh përfundon aty ku fillon e tjetrit. Lëshonte komunikata, përjashtohet ky, shkarkohet ai,”- tha Berisha.

(F.m/dosja.al)

Sondazh

Poll

MË SHUMË