Bota

U tha se u zhdukën 10 milion euro për rezervat ushqimore, Ministria: I pavërtetë, kanë mbërritur në Kosovë

Në njoftimin e ministrisë thuhet se ky lajm është i pavërtetë duke konfirmuar se rezervat ushqimore kanë mbërritur në Kosovë sipas marrëveshjes.

13 Maj 2022, 14:26 Nga DOSJA
U tha se u zhdukën 10 milion euro për rezervat ushqimore, Ministria: I
foto ilustruese

KOSOVË- Pas raportimit se janë zhdukur rreth 10 milion euro të cilat ishin të destinuara për rezervat shtetërore në Kosovë ka reaguar Ministria e  Industrisë, Ndërmarrësisë dhe Tregtisë.

Në njoftimin e ministrisë thuhet se ky lajm është i pavërtetë duke konfirmuar se rezervat ushqimore kanë mbërritur në Kosovë sipas marrëveshjes.

“Ministria e Industrisë, Ndërmarrësisë dhe Tregtisë njofton opinionin e gjerë se rezervat shtetërore janë siguruar sipas planifikimit të projektuar. Me planifikim nga MINT dhe financim nga buxheti kombëtar, janë siguruar furnizime me produktet esenciale të rezervës shtetërore në sasi të konsiderueshme gjatë vitit 2022. Rezerva e shtuar gjatë fillim vitit 2022, veçse ka arritur në Kosove dhe është vendosur në lokacionet e aranzhuara për rezervën shtetërore”, thuhet në reagim.

Gazeta Insajder ka raportuar sot se një shumë prej rreth 10 milionë euro të shtetit të destinuara për blerjen e produkteve për rezervat shtetërore, dyshohet se ishin “zhdukur”. Sipas shkrimit të tyre malli që ishtë blerë për rezerva nuk kishte mbërritur në Kosovë, ndërsa kompania nga e cila është blerë ky mall është “zhdukur”.

Reagimi i plotë:

Ju njoftojmë se lidhur me artikullin e publikuar në portalin Isajderi, me titullin “Skandali i madh i ministres Rozeta Hajdari; Zhduken rreth 10 milion euro te destinuara për rezervat shtetërore”, njoftojmë opinionin publik se përmbajtja e këtij artikulli është e pavërtetë.

Ministria e Industrisë, Ndërmarrësisë dhe Tregtisë njofton opinionin e gjerë se rezervat shtetërore janë siguruar sipas planifikimit të projektuar.

Me planifikim nga MINT dhe financim nga buxheti kombëtar, janë siguruar furnizime me produktet esenciale të rezervës shtetërore në sasi të konsiderueshme gjatë vitit 2022.

Rezerva e shtuar gjatë fillim vitit 2022, veçse ka arritur në Kosove dhe është vendosur në lokacionet e aranzhuara për rezervën shtetërore.

Raportime të pavërteta si kjo janë të dëmshme për sigurinë publike, andaj Ministria e Industrisë Ndërrmarrësisë do të ndjekë rrugët ligjore.

(d.a/dosja.al)

Sondazh

Poll

MË SHUMË