Aktualitet

Rama-Kim: Të kërkosh nga drejtësia s’është presion! Do bëjmë kallëzime për figura të PS

11 Maj 2022, 06:26 Nga DOSJA

Rama-Kim: Të kërkosh nga drejtësia s’është

TIRANË– Pak ditë pasi kritikoi e sulmoi punën e Prokurorisë së Posaçme Kundër Korrupsionit dhe Krimit të Organizuar (SPAK), kryeministri Edi Rama këmbëngul se të kërkosh më shumë nga drejtësia nuk do të thotë se po ushtron presion ndaj saj. Në këtë mënyrë, kreu i qeverisë i është përgjigjur edhe ambasadores së Shteteve të Bashkuara të Amerikës në Tiranë, Yuri Kim e cila i kërkoi ‘prerazi’ të mos ushtronte më presion ndaj SPAK. Nga selia rozë bashkë me Ministrin e Drejtësisë Ulsi Manja, Rama tha se SPAK duhet të kishte marrë nën hetim ish-kryeministrin Sali Berisha që nga momenti që u shpall non-grata nga Departamenti Amerikan i Shtetit, pasi prej një viti qarkullojnë edhe teori konspirative. Rama tha me humor se mbase e gjitha është e bazuar në thashetheme dhe se ai vetë do të përfundojë duke i kërkuar falje Berishës për sulmin që i ishte bërë. Referuar gjyqtarëve e prokurorëve, Rama tha se ata s’mund t’ia hedhin paq me largimin nga drejtësia, por që do të ndiqen edhe penalisht për pastrim parash e fshehje pasurie. Duke iu përgjigjur Kreut të SPAK, Arben Kraja, Rama përmendi gjyqtaren e kallëzuar nga ministri i Drejtësisë Ulsi Manja, Klorinda Çela për të cilën tha se po mban peng ndërtimin e Teatrit të ri të Kukullave me vendimin që i ka dhënë një personi vetëm një javë para se të përjashtohej nga Vettingu.

Duke kujtuar rastin e ish zv.ministres së Brendshme, Rovena Voda, e cila u arrestua pasi pranoi 2 mijë euro, një telefon dhe një arkë me peshk për punësimin e një personi në ministry e marrjen të pandehur të ish-kryetarit të Kushtetueses Bashkim Dedja që fshehu një apartament, Rama tha se ky nuk është standarti i drejtësisë që kërkon. Ai paralajmëroi se shumë shpejt do të bëjë kallëzime për figura të Partisë Socialiste, kryebashkiakë e jo vetëm, por pa përmendur emra. Anëtarët e PS-së që kanë shkelur ligjin i konsideroi nëj turp dhe tha se do ta ketë të mbyllur derën e partisë për aq kohë sa do të ketë të hapura dosjet në SPAK. I pyetur nëse ka ndodnjë provë për Gërdecin, 21 Janarin apo CEZ-DIAS, Rama tha se nuk mund të bëjë punën e drejtësië. Nga ana tjetër, Ministri i Drejtësisë, Ulsi Manja ka bërë bilancin e gjyqtarëve dhe prokurorëve që kanë kaluar procesin e vettingut. Ai tha se nga 530 gjyqtarë e prokurorë, 179 janë shkarkuar dhe 51 kanë dhënë dorëheqjen, por me miliarda pasuri. Manja listoi 10 prokurorët me pasuri të majme, mes tyre dhe një që kishte ndërtuar vilë pa leje dhe ngriti pyetjen: Përse nuk janë marrë nën hetim?

ZHVILLIMET PRË PAS ORE:

“Duhesh për më nalt o burrë”, gazetari i kujton përgjimet e Manjës, Rama ia kthen latinisht

‘Presidenti nga ‘Rithemelimi”/ Mbyll konferencën me të qeshura, Rama: S’ka shanse

Presion ndaj kryetarit të KMSH-së? Akuzat e Berishës, Rama: Lëreni të varrosë të vdekurit

Kush janë kryebashkiakët për SPAK? Rama: Atë e di SPAK, ka dy çështje nën hetim…

‘S’më keni njohur akoma’/ Rama: Unë s’mbroj askënd, i jap detyrën, po u kap…

Ndërtime në zonat e mbrojtura, Rama s’përgjigjet: Ju ftoj në hapjen e tunelit të Skërficës

Rama: Ne s’ia mësojmë punën SPAK, njerëzit thonë kjo është lojë e shitur

Rama: Shumë shpejt do bëjmë kallëzime për kryebashkiakë e figura të PS

Rama-Krajës: Çfarë do prej meje? Tjetra me mbi 400 mijë euro pasuri bllokoi Teatrin

‘Ne s’jemi kundër SPAK’/ Rama: Të mos gjuajë dinamit për cironka, nuk është KLSH

21 janari, Gërdeci e CEZ-DIA, Rama: S’bëjmë punën e drejtësisë, njerëzit thonë na shiti

‘I quan leksione qëndrimet e Kim?’/ Rama: Ka ngatërruar adresë, të shkojë në anët e tjera

Rama: Demi kapet nga brirët! Ndoshta DASH flet me thashetheme e i kërkojmë falje Berishës

Rama për Dvoranin: Jeton ende në apartamentin e dhënë nga komiteti, u bë Zvicër këtu?

Mediat e huaja vlersojnë veshjen e Ronela Hajatit si më të keqen në ‘Eurovizion 2022’

Rama: Mua s’më jep dot leksione askush për ndërhyrje në drejtësi, as shqip e as anglisht

Manja numëron vilat e prokurorëve: 31 prona për 5 subjekte! Njëri e ka ndërtuar pa leje

Manja nxjerr listën:713 mijë euro pasuri, prokurori i kamur kryeson, çifti tejkalon 1 mln€

Manja: S’mund t’ia vini gishtin PS-së, ne jemi krijuesit e sistemit gjyqësor

Rama: Ku janë prokurorët para drejtësisë? Nuk ndalemi deri sa të shohim fakte

Berisha non-grata, Rama: Vihet në pikëpyetje DASH, kemi një 1 vit me teori konspiracioni

Rama i përgjigjet Kim: S’po bëjmë presion! Ç’të themi për deklaratat e ndërkombëtarëve

Rama: Sa të jem unë, s’ka presion ndaj drejtësisë

Rama: SPAK të hyjë në oborrin e PS, të bëjë drejtësi për këdo që na turpëron

Rama: S’ka të paprekshëm, kush del para drejtëssië, derën e PS e ka të mbyllur

(a.b)/dosja.al

Çmimet e hoteleve në prag të finales së Conference League, janë rritur disa herë dhe kanë detyruar tifozët italianë të anullojnë udhëtimin. Si duhet menaxhuar kjo situatë?

View Results

kryesore politike edi rama rama me gazetaret 11 maj 2022 edi rama rama me gazetaret 11 maj 2022