Bota

‘Në BE do të hyni pas disa dekadash’, Macron për Ukrainën:Duhet një Komunitet i ri Europian

9 Maj 2022, 13:56 Nga DOSJA
‘Në BE do të hyni pas disa dekadash’, Macron për

BRUKSEL– Presidenti francez Emmanuel Macron tha të hënën se ai ishte në favor të një lloji të ri të “komunitetit politik evropian” që do të lejonte vendet jashtë Bashkimit Evropian, duke përfshirë Ukrainën dhe Britaninë, t’i bashkohen “bërthamës evropiane”.

Sipas Reuters, duke folur në Parlamentin Evropian në Strasburg, Macron e quajti rizgjedhjen e tij muajin e kaluar një sinjal se francezët kishin kërkuar më shumë Evropë. Por ai e bëri të qartë se dëshira e Ukrainës për t’u bashkuar me bllokun do të zgjaste disa vjet dhe si rezultat duhej t’i jepej njëfarë shprese në afat të shkurtër.

“Ukraina me luftën dhe guximin e saj është tashmë një anëtare e përzemërt e Evropës sonë, e familjes sonë, e bashkimit tonë. Edhe nëse i japim statusin e kandidatit nesër, ne të gjithë e dimë shumë mirë se procesi për ta lejuar atë të bashkohet do të zgjaste vërtet disa vjet, ndoshta disa dekada.“- tha Macron.

Në vend që të rrëzonte standardet e rrepta për t’i lejuar vendet të anëtarësohen më shpejt, Macron sugjeroi krijimin e një entiteti paralel që mund të apelonte për vendet që aspironin të bashkoheshin me bllokun ose, në një referencë të dukshme për Britaninë, vendet që ishin larguar nga bashkimi.

Ai tha se ky “komunitet politik evropian” do të jetë i hapur ndaj kombeve demokratike evropiane që do t’i përmbahen vlerave të tij thelbësore në fusha të tilla si bashkëpunimi politik, siguria, bashkëpunimi në energji, transport, investime në infrastrukturë ose qarkullim të njerëzve.

“Bashkimi me të nuk do të paragjykonte domosdoshmërisht anëtarësimin e ardhshëm në BE.As nuk do të mbyllej për ata që e lanë.“-tha ai.

LAJMI KRYESOR:LUFTA/ Dita e paradës ushtarake në Moskë, Londra njofton sanksione kundër Rusisë

(d.a/dosja.al)

Aksidenti i rëndë në Tiranë, si mund të shmangen ngjarje të tilla?

View Results

bota bota emmanuel macron integrimi i ukraines ne be emmanuel macron integrimi i ukraines ne be

Sondazh

Poll

Bota 9 Maj 2022, 13:36

Historia e gjuhës arvanitase (Arvanitika)

GREQI- Ne kemi trajtuar arvanitasit, historinë e tyre dhe mënyrën se si ata jetonin në Greqi në disa nga artikujt tanë në të kaluarën. Sot do të merremi me gjuh...

MË SHUMË