Politike

Dorëheqja e Haradinajt, Ditmir Bushati: Shembulli i një shtetari, Kosova për të vjen gjithnjë e para

19 Korrik 2019, 19:20 Nga DOSJA
Dorëheqja e Haradinajt, Ditmir Bushati: Shembulli i një shtetari,

TIRANË- Ish-ministri i Jashtëm, Ditmir Bushati ka reaguar pas dorëheqjes së Kryeministrit të Kosovës, Ramush Haradinajt.

Në një postim në Facebook, Bushati shprehet se akti i Haradinajt është forca e shembullit të një shtetari që vendos para çdo gjëje interesat e vendit.

Në mesazhin e tij, Bushati thekson se tani është koha që klasa politike në Prishtinë të tregojë maturi dhe unitet për të përballur sfidat që ka përpara.

“Akti i dorëheqjes së Ramush Haradinajt si Kryeministër i Kosovës për tu ballafaquar sërish me drejtësinë është forca e shembullit të një shtetari për të cilin Kosova vjen gjithnjë e para. Jam i bindur që ky veprim do të lartësojë luftën e shenjtë për liri të Kosovës dhe kontributin e pamohueshëm të Ramush Haradinajt. Ramushi ka fituar luftën e përmes forcës së shembullit po dëshmon së është artizan i paqes. Sot, Kosova ka nevojë për unitet e largpamësi për të tejkaluar sfidat e brendshme e për të fuqizuar më tej subjektivitetin juridiko ndërkombëtar që duan t’ia vënë në pikëpyetje”, shkruan Bushati.

Ditën e sotme kryeministri i Kosovës Ramush Haradinaj ka dhënë dorëheqjen ditën e sotme pasi është thirrur për të dëshmuar në Hagë.

Në një konferencë për shtyp, Haradinaj është shprehur se hoqi dorë nga posti pasi nuk mund ta cënonte nderin e Kosovës. Së shpjeti Kosova zhvillon zgjedhje të parakohshme parlamentare.-

(a.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike ditmir bushati dorehiqet ramush haradinaj ramush haradinaj ditmir bushati dorehiqet ramush haradinaj ramush haradinaj

Sondazh

Poll