Sport

Ndryshime në staf: Davids, ndihmës i ri i trajnerit të Holandës, Louis van Gaal

7 Maj 2022, 05:36 Nga DOSJA

HOLANDE – Ish-mesfushori i Holandës, Edgar Davids, 49 vjeç, është emëruar ndihmës i trajnerit holandez Louis van Gaal. Ai zëvendëson Henk Fraser, i cili do të jetë trajner i Utrecht sezonin e ardhshëm dhe do të punojë me Danny Blind, si asistent të parë.

“Jam i kënaqur që Edgar Davids po i bashkohet stafit tonë teknik,- tha van Gaal në një deklaratë të Federatës Holandeze të Futbollit (KNVB). – Rrugët tona janë kryqëzuar rregullisht në të kaluarën dhe jam i bindur se ai do ta përmbushë këtë rol në mënyrë të shkëlqyer”.

Në vitin 1995, Van Gaal fitoi Champions League me Ajax Amsterdam, ku përfshiheshin Edwin van der Sar, Frank dhe Ronald de Boer, Clarence Seedorf, Marc Overmars dhe Edgar Davids, të cilët gjithashtu luajtën te Milan, Barcelona, Juventus, Inter dhe Tottenham.

“Jam jo vetëm krenar, por edhe shumë entuziast që mund të vazhdoj karrierën time si trajner me një njeri kaq të njohur, si Louis van Gaal dhe të mund të punoj me majën absolute të Holandës”, – u shpreh i zgjedhuri i lumtur, i cili ka 74 ndeshje, duke përfshirë 12 herë si kapiten me “Portokallinjtë”.

Holanda është kualifikuar për në finalet e Kupës së Botës, e cila do të zhvillohet në Katar nga data 21 nëntor deri më 18 dhjetor 2022. Ata janë në Grupin A dhe do të përballen me Katarin, Senegalin dhe Ekuadorin.