Aktualitet

Djali i vdiq brenda qelisë, babai: Shteti po sillet sikur nuk ka ndodhur gjë

5 Maj 2022, 09:29 Nga DOSJA
Djali i vdiq brenda qelisë, babai: Shteti po sillet sikur nuk ka ndodhur

TIRANË– Agim Meta, babai i të riut Ilvi Meta, që humbi jetën dje në qelitë e paraburgimit të Komisariatit të Kavajës, deklaroi sot se do të kërkojë drejtësi deri në fund për vdekjen e të birit. Gazetari i SYRI TV, që mori intervistën, tha, duke iu referuar familjarëve, por edhe të dhënave që kanë pasur, se ka disa kontradikta në deklaratat zyrtare dhe jozyrtare të Policisë për sa i përket dinamikës ë ngjarjes. Fillimisht prindërit janë lajmëruar se i riu është vetvarur me çarçaf, pastaj ka ndryshuar në vetvrasje me lidhësen e këpucës. Por familja pretendon se këpucët e djalit nuk kishin lidhëse dhe ajo që do ta përcaktojë edhe shkakun e vdekjes së të riut Ilvi Meta do të jetë ekspertiza mjeko-ligjore.

Në trup nuk janë konstatuar dëmtime, së paku në pjesën e fytit, që ngre dyshime se edhe ai edhe mund të jetë keqtrajtuar në ambientet e komisariatit. Babai tha se trupin e kanë në shtëpi dhe është bërë autopsia, por ai nuk e di se çfarë ka rezultuar prej saj. “Nuk e kemi hapur arkivolin”. Po ashtu, Agim Meta tha se nuk e ka marrë as çertifikatën e vdekjes së të birit. Autopsinë e kanë bërë në Durrës.”

Pyetja e Syri.tv: Z. Agim, ku ka jetuar kohët e fundit djali juaj, me çfarë është marrë?

Agim Meta: Këtu në Kavajë, shkonte në Greqi, punonte nga 3 muaj, se ashtu ishin vizat. Punonte tre muaj dhe vinte në Shqipëri prapë.

Policia e Kavajës thotë se ka qenë shumë problematik,gjatë viteve të fundit. Sa e vërtetë është kjo?

Agim Meta: Nuk është e vërtetë. Policia u bë problem për atë, jo ai për policinë. Në kuptimin e fjalës që nuk ka shtet, nuk ka polici. Nuk ka. S’ka! Derisa ata nuk më fusnin mua dje në Polici, të takoja atëherë çfarë t’i them unë kësaj policie?!

Çfarë dyshimesh kini ju?

Agim Meta: Dyshoj se fëmijën mua ma kanë vrarë!

SYRI TV: A e keni takuar dje djalin? A ka qenë në kushte të vështira?

Agim Meta: Ka qenë me një shok duke pirë kafe, duke qeshur… E mbajmë mend ata çunat që kanë qenë tek klubi, duke qeshur. Unë isha në punë, se punoj në bashkinë e Kavajës. Nuk kisha shumë kontakt të takohesha me djalin, se ikja në mëngjes, vija në drekë haja bukë, ikja prapë gjatë gjithë ditës. Vetëm kur kam ardhur këtu dhe kam parë lajmet që djali është vetvrarë.

SYRI TV: Pas ngjarjes, a kanë ardhur drejtues të Komisariatit të Kavajës apo të prefekturës apo të institucioneve, prokurorë, për t’iu dhënë sqarime në lidhje me çështjen?

Agim Meta: Asnjë. Asnjë s’më ka kapur. Asnjë nuk më ka ardhur në shtëpi. Asnjë fare. Sikur nuk ka ndodhur gjë fare.

SYRI TV: Ditët e fundit, me çfarë është marrë djali juaj, si e kalonte kohën?

Agim Meta: Bënte vrap, shkonte në plazh, punonte nganjëherë…

SYRI TV: Çfarë hapash do të marrë familja juaj, pas përcjellës së të ndjerit, për kërkimin e drejtësisë?

Agim Meta: Unë dua drejtësi. Dua drejtësi. Do ta ndjek deri në vdekje. Nuk e lë, do t’i kap të gjitha mediat ku janë ku s’janë e do t’i dal përballë.

Marre nga Syri.net

Aksidenti i rëndë në Tiranë, si mund të shmangen ngjarje të tilla?

View Results

aktualitet aktualitet ilvi meta vetevaret ilvi meta ilvi meta vetevaret ilvi meta

Sondazh

Poll

MË SHUMË