Sport

“Ke 72 orë për t’u larguar ose do të hidhesh në erë”/ Zbulohen kërcënimet për Maguire

23 Prill 2022, 15:54 Nga DOSJA

“Ke 72 orë për t’u larguar ose do të hidhesh në

ANGLI- “Ka tre bomba në shtëpinë tënde, ke 72 orë kohë të largohesh nga klubi ose do t’i hedhim në erë”. Detaje të reja dalin në ditët e frikës së përjetuar nga kapiteni i Manchester United, Harry Maguire, pas humbjes 4-0 ndaj Liverpool. Shtypi britanik ka rikonstruktuar në detaje makthin e përjetuar nga mbrojtësi anglez, i cili ishte duke u stërvitur kur agjentit të tij i erdhi një email duke kërcënuar me vdekje mbrojtësin, partneren e tij Fern Haëkins dhe dy vajzat e tij.

Policia shkoi në vendngjarje me njësinë e qenve pa gjetur asnjë bombë, por gruaja dhe dy vajzat, raporton Sun, u transferuan në një shtëpi të sigurt, ndërsa Maguire shkoi të jetonte në shtëpinë e një shoku të skuadrës.Nga stafi i mbrojtësit të kombëtares flasin për një ‘kërcënim serioz’ dhe, sipas The Atlantic, kapiteni, ende i tronditur nga ajo që ndodhi, nuk do të dalë në fushë që në minutën e parë në ndeshjen e sotme kundër Arsenalit.

“Është një tjetër shenjë e keqe e një bote gjithnjë e më të çmendur në të cilën jetojmë”, tha trajneri i Djajve të Kuq, Ralf Rangnick, duke komentuar episodin në një konferencë për shtyp.

E.Ç (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport maguire manchester united maguire manchester united