Bota

SHBA fillon të stërvitë ushtarët ukrainas për përdorimin e artilerisë së rëndë

21 Prill 2022, 06:39 Nga DOSJA

SHBA fillon të stërvitë ushtarët ukrainas për

Një zyrtar i lartë amerikan i mbrojtjes tha të mërkuren se stërvitja e personelit ukrainas për përdorimin e obusit amerikan, artilerisë 155 milimetërshe, ka filluar në një vend evropian jashtë Ukrainës. Ky është fillimi i një përpjekje për t’i mundësuar ushtrisë ukrainase të përdorë artilerinë e sapo furnizuar amerikane në betejën e përshkallëzuar për rajonin Donbas në Ukrainën lindore.

Zyrtari, i cili foli në kushte anonimiteti, tha se i pari nga 18 obusët e premtuar të Shteteve të Bashkuara mbërriti të mërkuren në Evropë dhe ngarkesa të tjera të kësaj arme pritet të dërgohen në Ukrainë.

Sistemet e artilerisë do të dërgohen me rrugë tokësore në Ukrainë. Stërvitja e personelit ukrainas është duke u bërë në obuset e tjera 155 milimetërshe gjetkë në Evropë, tha zyrtari.

Zyrtari i lartë i mbrojtjes amerikane tha gjithashtu se Rusia në 24 orët e fundit ka shtuar katër batalione të tjera taktike me ushtarë në Ukrainë, tre prej tyre në rajonin e Donbasit.

Zyrtari nuk tha se sa batalione taktike ndodhen tani në Donbas, por të martën Pentagoni tha se Rusia kishte gjithsej 78 batalione të tilla në Ukrainën lindore dhe jugore.

Marrë nga VOA.

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota shba shba