Sport

Ndërron jetë ‘Gerd Muller i Lindjes’, ish-sulmuesi gjerman i ka shënuar 3 herë Shqipërisë

16 Prill 2022, 21:24 Nga DOSJA

Ndërron jetë ‘Gerd Muller i Lindjes’, ish-sulmuesi gjerman

GJERMANI– Legjenda e futbollit gjerman , Joachim Streich është ndarë nga jeta mëngjesin e 16 prillit në moshën 71-vjeçare pas një sëmundje të rëndë. Ish-futbollisti i Republikës Demokratike Gjermane, ka qenë një nga emrat më të njohur të futbollit europian në vitet ’70-’80. Streich mbante rekordin për më shumë paraqitje dhe gola të shënuar për Gjermaninë Lindore. Mori pjesë në Kupën e Botës 1974, duke shënuar 2 gola në 4 ndeshje.

Lojtari realizoi 55 gola në 102 ndeshje ndërkombëtare për Kombëtaren e Gjermanisë Lindore, tre nga këto gola i ka shënuar kundër Shqipërisë në kualifikueset e Kupës së Botës në vitin 1973. si dhe 229 gola për Magdeburg dhe Hansa Rostock në Oberligën e Gjermanisë Lindore.

Periudha e Streich me FC Magdeburg nga viti 1975 deri në 1985 ishte e artë duke fituar tre herë Kupën FDGB – titulli i dytë më i rëndësishëm kombëtar në futbollin e Gjermanisë Lindore. “Jemi të trishtuar dhe vajtojmë legjendën e klubit tonë, Joachim Streich, i cili ndërroi jetë sot në moshën 71-vjeçare pas një sëmundjeje të rëndë”, shkroi në Twitter skuadra e Kategorisë së tretë.

Streich u mbiquajt “Gerd Müller i Lindjes” – një referencë për golashënuesin më të mirë të Gjermanisë Perëndimore me të cilin ai ndante një reputacion për dinakërinë në krijimin e mundësive për gola.

E.Ç (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport gjermani joachim streich gjermani joachim streich