Aktualitet

Ndroqi e Rakipi non-grata, Zingraf: S’komentoj vendimin e SHBA-ve, ne kemi tjetër metodë

15 Prill 2022, 09:38 Nga DOSJA
Ndroqi e Rakipi non-grata, Zingraf: S’komentoj vendimin e SHBA-ve, ne kemi

KORÇË– Ambasadori gjerman në Shqipëri Peter Zingraf nuk ka preferuar të komentojë vendimin e Shteteve të Bashkuara të Amerikës për të shpallur non-grata politikanë e biznesmenë shqiptarë. I ndodhur në Korçë, në një prononcim për mediat, Zingraf u shpreh se Gjermani ndjek një tjetër metodë për personat që nuk duhet të shkelin në vend, por që nuk preferon të komentojë vendimin e SHBA-ve. I pyetur për akuzat e bëra ndaj ambasadorëve se po ndërhyjnë në sistemin e drejtësisë më vend, Zingraf tha se vetë nuk është ndjerë i prekur.

Pjesë nga prononcimi për mediat:

Pyetje: Departamenti i shtetit ka shpallur ‘non grata’ dhe emra të tjerë të njohur si Aqif Rakipi dhe Ylli Ndroqi. Si mendoni çfarë ndikimi kanë në imazhin e Shqipërisë?

Peter Zingraf: Në fakt këtë nuk do dëshiroja ta komentoja! Më takon vetëm të them që për Republikën Federale nuk i përdor instrumente të tilla. Ne përdorim disa regjime të caktuara sanksionesh të dakordësuara paraprakisht sikurse është në rastin e Rusisë për të deklaruar persona të caktuar si ‘non grata’ të cilëve u ndalohet hyrja në Gjermani. Në këtë formë nuk e përdorim këtë lloj instrumenti dhe nuk do dëshiroja të komentoja vendimin e qeverisë dhe të departamentit të shtetit.

Pyetje: Shpeshherë diplomatë të huaj janë vënë në shënjestër dhe janë akuzuar se po ndërhyjnë në sistemin e drejtësisë. Ju si e vlerësoni?

Peter Zingraf: Unë nuk kam koment për këtë, personalisht nuk jam ndjerë ndonjëherë i tematizuar lidhur me këtë problematikë.

LAJM KRYESOR:Zingraf: PD të orientohet nga e ardhmja, RMV të pritet, s’komentoj non-gratat

(F.M/DOSJA.AL)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet peter zingraf peter zingraf

Sondazh

Poll

MË SHUMË