Aktualitet

Kreu i shoqatës së fermerëve në Shkodër kërkesë Ministrisë së Bujqësisë: Të ulet tarifa

15 Prill 2022, 09:00 Nga DOSJA

SHKODËR– Kreu i shoqatës së fermerëve në Shkodër, Ahmet Sylejmani i ka bërë thirrje Ministrisë së Bujqësisë që të rishikojë kushtet dhe tarifën e lartë që paguajnë fermerët për të shitur në tregun e fruta-perimeve të këtij qyteti. Rritja e çmimit të naftës ka vështirësuar mbijetesën për këta fermerë. Ato kërkojnë që të ketë një rishikim të tarifave që paguajnë, në të kundërt paralajmërojnë protesta deri në bllokimin e hyrjes së tregut.

“Grupi i fermerëve të qarkut të Shkodrës kanë një problem të madh pasi tregu i shitjes që ne aty nuk shesim dot. Doja ta lidh edhe me tarifat e tregut, një copë asfalt paguhet 130 mijë lekë në muaj. Ne dalim me prodhimet tona të serave dhe aty kemi pagesën e lartë. Jashtë çdo norme shesim në asfalt, nuk është nën administrimin e pushtetit lokal por është nën drejtimin e pushtetit qendror, tregu i fruta perimeve. Distanca është e largët në periferi të qytetit të Shkodrës, nafta shumë e shtrenjtë, problemet e tarifave po, duke qenë nafta e shtrenjtë, ne kemi kërkuar që të bëhen magazina por asgjë nuk funksionon. Të gjithë fermerët, mbi 80% janë të moshuar se të rinjtë nuk punon kush. I bëjmë një kërkesë të vogël ministres së bujqësisë që të na rishikojë tarifën e hyrjes në tregun. Ne paguajmë rregullisht aty dhe duhet të na shtrojnë një copë asfalt aty dhe të rrimë të shesim mirë. Ne me këtë rast i bëj apel që ta shikojë këtë kërkesë nëse nuk merren parasysh kërkesat ne do të paralajmërojmë një protestë deri tek bllokimi i tregut të fruta perimeve. Nuk kemi marrë akoma asgjë. Punojmë vetëm 3 muaj për shkak të përmbytjeve. Nëse duan produkte vendi të mos abuzohet”, tha Sylejmani.

(a.b)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet ahmet sylejmani shkoder ahmet sylejmani shkoder