Aktualitet

Atentati që dështoi!Tentoi të vriste 63-vjeçarin te Liqeni i Thatë,arrestohet i riu

10 Prill 2022, 15:45 Nga DOSJA
Atentati që dështoi!Tentoi të vriste 63-vjeçarin te Liqeni

TIRANË– Një 31-vjeçar është arrestuar si autori i atentatit ndaj L.M, pronar i një shkolle private në Tiranë në zonën e Liqenit të Thatë. Ngjarja kishte ndodhur në më 18 janar, por i riu i identifikuar si Skerdi Tasi, u vu në pranga vetëm dy muaj pas ngjarjes. Ditën e ngjarjes, 63-vjeçari po lëvizte me automjetin e tij tip “Mercedez Benz ML”, kur në drejtim të tij u qëllua me plumba pistolete nga Skerdi Tasi. Në dëshminë e tij në Polici, ai tha se nuk e kishte parë autorin, duke hedhur dhe tezën se në zonë kishte pasur përplasje dhe se aksidentalisht plumbat kishin kapur dhe mjetin e tij. Por, në dëshminë para grupit hetimor tha se kishte arriur të shihte se personi që e qëlloi ishte rreth moshës 25 vjeç, ezmer e me mjekër, por që nuk e kishte identifikuar dot. Madje kërkoi dhe mbrojtje nga shtetit. (SHIKO KËTU)

“Skerdi Tasi., 31 vjeç, për veprat penale “Vrasja me paramendim” e mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit”. Ky shtetas me datë 18.01.2022, te nënkalimi te Liqeni i Thatë, ka qëlluar me armë zjarri në drejtim të mjetit me drejtues shtetasin L. M., 63 vjeç,”-thuhet ndër të tjera në njoftimin e Policisë.

Tani është dëshmia e të riut ajo që do të zbulojë arsyen se përse qëlloi ndaj biznesmenit duke i rrezikuar jetën, ndërsa hetimet vazhdojnë për të mësuar se kush është porositësi i atentatit. 

NJOFTIMI I PLOTË:

Tiranë

Vihen në pranga 16 shtetas dhe procedohen penalisht 5 të tjerë, për vepra të ndryshme penale.

Specialistët për Hetimin e Narkotikëve bënë arrestimin në flagrancë të shtetasit Xh. A., 20 vjeç, pasi gjatë kontrollit fizik nga shërbimet e Policisë, iu gjet dhe sekuestrua në cilësinë e provës materiale, një sasi lënde e dyshuar narkotike e llojit cannabis sativa.

Specialistët për Hetimin e Krimeve në Komisariatin e Policisë Nr. 1 bënë ndalimin e shtetasit: – S. T., 31 vjeç, për veprat penale “Vrasja me paramendim” e mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit”. Ky shtetas me datë 18.01.2022, te nënkalimi te Liqeni i Thatë, ka qëlluar me armë zjarri në drejtim të mjetit me drejtues shtetasin L. M., 63 vjeç. Gjithashtu, specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasve: – S. T., 22 vjeçe dhe A. T., 22 vjeç, për veprën penale “Vjedhja”, pasi kanë vjedhur në dy dyqane rrobash, në një qendër tregtare. 

– E. M., 35 vjeç, për veprat penale “Plagosje e lehtë me dashje” dhe “Goditje për shkak të detyrës” kryer në bashkëpunim, dhe I. M., 59 vjeç, për veprën penale “Goditje për shkak të detyrës” kryer në bashkëpunim. Arrestimi i tyre u bë pasi shtetasi E. M., ka goditur me grushte shtetasin M. M., 26 vjeç, dhe gjatë shoqërimit nga punonjësit e Policisë, shtetasi E. M., së bashku me shtetasin I. M., kanë goditur punonjësit e Policisë.

Specialistët për Hetimin e Krimeve në Komisariatin e Policisë Nr. 2 bënë arrestimin në flagrancë të shtetasve: – E. H., 35 për veprën penale “Kallëzimi i rremë”, pasi ka bërë kallëzim të rremë për vjedhjen e motorrit të tij; – E. A., 33 vjeç, pasi ka ushtruar dhunë fizike ndaj bashkëshortes. Specialistët për Hetimin e Krimeve në Komisariatin e Policisë Nr. 3 bënë arrestimin në flagrancë të shtetasit R. M., 22 vjeç, për veprën penale “Prodhimi, mbajtja, blerja, apo shitja pa leje e armëve të ftohta”, pasi gjatë kontrollit fizik shërbimet e Policisë i gjetën dhe sekuestruan në cilësinë e provës materiale, në përforcues grushti (dorezë metalike).

Specialistët për Hetimin e Krimeve në Komisariatin e Policisë Nr. 4 bënë arrestimin në flagrancë të shtetasit Xh. D., 58 vjeç, për veprat penale “Dhuna në familja” dhe “Veprime në kundërshtim me vendimin e gjykatës”, pasi në kundërshtim me vendimin e gjykatës, ka ushtruar dhunë psikologjike ndaj bashkëshortes, e cila është e pajisur me urdhër mbrojtje.

Specialistët për Hetimin e Krimeve në Komisariatin e Policisë Nr. 6 bënë arrestimin në flagrancë të shtetasit M. M., 22 vjeç, për veprat penale “Largimi i të burgosurit nga vendi i qëndrimit” dhe “Prodhimi, mbajtja, blerja, apo shitja pa leje e armëve të ftohta”, pasi ka shkelur masën e sigurisë “Arrest në shtëpi”, duke dalë jashtë banesës, dhe gjatë kontrollit fizik nga shërbimet e Policisë, iu gjet dhe sekuestrua në cilësinë e provës materiale, një mjet prerës thikë.

Specialistët e Qarkullimit Rrugor bënë arrestimin në flagrancë të shtetasve:  – A. Gj., 33 vjeç, pasi u kap duke drejtuar mjetin e tij, në gjendje të dehur; – K. Z., 18 vjeç, R. R., 20 vjeç, dhe D. B., 36 vjeç, pasi u kapën duke drejtuar mjetet e tyre përkatëse, pa leje drejtimi; – R. R., 18 vjeç, për veprat penale “Drejtimi i automjeteve në mënyrë të parregullt” dhe “Korrupsioni aktiv i personave që ushtrojnë funksione publike”, pasi duke drejtuar mjetin e tij pa rrip sigurimi, ka tentuar të korruptojë punonjësit e Policisë duke iu ofruar para, me qëllim shmangien e masës administrative.
—-
Specialistët për Hetimin e Krimeve në Komisariatin e Policisë Nr. 4 proceduan penalisht shtetasit H. G., 32 vjeç, E. Ç., 34 vjeç, H. B., 25 vjeç, G. H., 26 vjeç dhe E. C., 28 vjeç, për veprat penale “Plagosja e lehtë me dashje”, “Kanosja”, dhe “Prishja e qetësisë publike”, pasi për motive të dobëta, janë konfliktuar dhe kanë goditur me grushte njëri-tjetrin.
—-
Më datë 09.04.2022, në Lalm, persona të paidentifikuar kanë vjedhur një shumë të vogël parash në banesën në pronësi të shtetasit F. S. Punohet për identifikimin dhe kapjen e autorëve.

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet

Sondazh

Poll

MË SHUMË