Bota

Parlamenti voton mocionin e mosbesimit, bie qeveria në Pakistan

10 Prill 2022, 15:36 Nga DOSJA
Parlamenti voton mocionin e mosbesimit, bie qeveria në Pakistan

PAKISTAN- Kryeministri pakistanez Imran Khan është rrëzuar nga pushteti pasi humbi një votë mosbesimi ndaj lidershipit të tij. Votimi u mbajt pas mesnatës pasi partitë opozitare sollën një mocion kundër tij në Parlament. Votimi i së dielës u zhvillua pasi Gjykata e Lartë e vendit vendosi në favor të partive opozitare dhe tha se Khan kishte vepruar në mënyrë jokushtetuese.

Udhëheqësi i opozitës Shehbaz Sharif – i cili pritet të zgjidhet si kryeministër i ri të hënën – tha se Pakistani dhe parlamenti i tij “u çliruan përfundimisht nga një krizë serioze”. Nëse votohet nga parlamenti, Sharif – një rival prej kohësh i Khan dhe vëllai i ish tre herë kryeministrit  Nawaz Sharif – do të jetë në gjendje të mbajë pushtetin deri në tetor 2023, kur do të mbahen zgjedhjet e ardhshme.

Votimi e bën Khan kryeministrin e parë pakistanez që shkarkohet nga një mocion mosbesimi, me partitë opozitare që siguruan 174 vota në dhomën prej 342 anëtarësh në mbështetje të mocionit të mosbesimit. Por për situatën, Khan tha se kishte një komplot të udhëhequr nga SHBA për ta hequr atë për shkak të refuzimit të tij për të qëndruar me Uashingtonin për çështjet kundër Rusisë dhe Kinës. Duke fajësuar me emër Donald Lu-në, i cili ka shërbyer si ambasador në Shqipëri. 

Kur Imran Khan u zgjodh kryeministër në vitin 2018, ai dukej se kishte pothuajse gjithçka në favor të tij. Një hero kombëtar nga ditët e tij të kriketit, ai ishte shndërruar në një politikan karizmatik dhe, pas vitesh beteje, arriti të zëvendësonte dy dinastitë rivale politike që kishin dominuar Pakistanin për dekada.Ai u shfaq si një forcë e re, me mitingje të gjalla plot këngë tërheqëse, të cilat, së bashku me praninë e tij të madhe në mediat sociale, përforcuan mesazhin e tij kundër korrupsionit. Khan premtoi të sjellë “ndryshim” në vend, për të krijuar një “Pakistan të ri”.

Asnjë kryeministër nuk ka përfunduar kurrë një mandat të plotë pesëvjeçar parlamentar në Pakistan dhe Imran Khan dukej sikur mund të ishte i pari. Arsyeja pse pozicioni i tij dukej kaq i sigurt, megjithatë, ndihmon gjithashtu në shpjegimin e rënies së tij. Të dyja palët e mohojnë atë, por pranohet gjerësisht se ai erdhi në pushtet me ndihmën e ushtrisë së fuqishme pakistaneze dhe shërbimeve të inteligjencës.

Cila është partia në pushtet në Pakistan? Partia aktuale në pushtet e Pakistanit është Pakistani Tehreek-e-Insaf (PTI), e cila është një nga tre partitë kryesore politike të Pakistanit. Ajo tani drejtohet nga ish-politikani i kthyer në kriket dhe kreu i PTI-së, Imran Khan, i cili mori pushtetin si Kryeministër në vitin 2018 pasi PTI doli si partia dominuese në qeveri pas zgjedhjeve të përgjithshme të 2013-ës.

Cila është opozita? Opozita kryesohet nga Lidhja Muslimane e Pakistanit-N (PML-N) dhe Partia Popullore e Pakistanit (PPP) — dy grupe që dominuan politikën kombëtare për dekada derisa kryeministri Imran Khan formoi një koalicion kundër tyre.

Sa kohë shërben kryeministri? Kryeministri i Pakistanit shërben për një mandat pesë-vjeçar. Megjithatë, asnjë kryeministër i zgjedhur apo i emëruar nuk e ka shërbyer të gjithë mandatin e tyre deri më sot.

Marrë nga BBC

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota bie qeveria ne pakistan imran khan pakistan bie qeveria ne pakistan imran khan pakistan

Sondazh

Poll

MË SHUMË