Aktualitet

Atentati! 5 në pranga,12 të shoqëruar, Dumani ‘kyç gojën’, pritet zbërthimi i celularit

31 Mars 2022, 06:35 Nga DOSJA
Atentati! 5 në pranga,12 të shoqëruar, Dumani ‘kyç

TIRANË– Pesë persona janë vënë në pranga, ndërsa 12 të tjerë janë shoqëruar në komisariatin e Policisë së Elbasanit, pasi dyshohen si të përfshirë ose të paktën të kenë dijeni në lidhje me atentatin në të cilin mbeti i plagosur i rrezikshmi Nuredin Dumani. Mësohet se bëhet fjalë për mjekët Juljan Malaj, 43 vjeç, banues në Fier, Ermal Gjeçi 36 vjeç, banues në Fier, infermieri Bledi Bërdalli, 41 vjeç, banues në Fier, Henrik Hoxhaj, 40 vjeç, banues në Fier, për veprat penale “Vrasja me paramendim”, mbetur në tentativë, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit”. Mes të arrestuarve është edhe e dashura e Dumanit, Mirjeta Hajdini vetëm 20-vjeçe dhe me origjinë nga Kosova. 20-vjeçarja në momentin që u arrestua mbante armë në brez dhe akuzohet për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Përkrahja e autorit të krimit”.

Mjekët e arrestuar që mjekuan Nuredin Dumanin janë shprehur se nuk mund t’i mohojnë askujt ndihmën e mjekësore pasi kanë bërë betimin e Hipokrtit. Përpara grupit hetimor, mjekët Juljan Malaj e Ermal Gjeçi 36 vjeç dhe infermieri Bledi Bërdalli janë shprehur se ka qenë një i njohur i përbashkët që i ka marrë dhe i ka dërguar në shtëpinë ku u fsheh Dumani pas atentatit që iu bë në Papër. Ata kanë shtuar se nuk kanë pasur dijeni për të shkuarën kriminale të Dumanit. Persona nga grupi hetimor i kanë shkuar Dumanit në spitalin e Traumës ku dhe po mjekohet, por pavarësisht se është në gjendje stabël, ai ka refuzuar të japë shpjegime.  Megjithatë kjo gjë nuk e ka penguar Policinë që t’i marrë një kampion ADN-je të plagosurit për të krahasuar me të tjerë që janë gjetur në vende krimi në ngjarje që kanë tronditur vendin. Telefoni i tij është dërguar edhe jashtë vendit pasi nuk mund të hapet në Shqipëri.

Çfarë ndodhi dy netë më parë?

Një burim i mirëinformuar i tha Dosja.al se Dumani u nxorr në pritë. Ai u dërgua në Papër të Elbasanit pas një sinjali se atje ndodhej “armiku” i tij, Talo Çela. Dumani kishte në plan të ekzekutonte një tjetër person të afërt të Çelës, por pas vënies në dijeni nga të “afërmit” se Çela ishte shumë afër dhe mund të goditej, shënjestra ndryshoi. Por në fakt, e gjitha ka qenë një kurth i organizuar nga grupi i Çelës. Të dyja palët u përballën me njëri-tjetrin në aksin Elbasan-Cërrik, në vendin e njohur si Papër, ku Nuredin Dumani mori një plumb në shtyllën kurrizore, që i ka depërtuar në mushkëri. I zënë në pritë, Nuredin Dumani u largua i plagosur drejt Fierit. Atje dyshohet se mori një ndihmë mjekësore amatore për t’i shpëtuar vdekjes, ndërsa qendroi për disa orë në apartamentin e marrë me qira prej disa ditësh në lagjen Apolonia në Fier. Forcat RENEA shkuan me saktësi në hyrjen ku jetonte Dumani me bashkëjetuesen, ndërsa në media u fol për një telefonatë anonime që sinjalizoi Policinë se ku ndodhej një nga personat më të rrezikshëm në Shqipëri, i akuzuar për mbi 7 vrasje, përfshirë këtu edhe ekzekutimin e bujshëm të dy vëllezërve Haxhia në Durrës, vrasje që besohet se ka si arsye vjedhjen e milionave që u vodhën në Rinas në prill të 2019-ës. Por burimi nga grupi hetimor i tha Dosja.al se telefonata anonime erdhi nga shumë pranë Dumanit. Saktësia e vendodhjes përfshirë pallatin, numrin e apartamentit dhe katin, nuk mund të dihej nga persona të tjerë përveç atyre që ishin pranë tij.  Policia e gjeti Dumanin me shpejtësi pasi informacioni i gjetur ishte i saktë. Strofkulla u zbulua, ndërsa Talo Çela ka “avulluar”. Policia dyshon se ai ishte personi që e qëlloi Dumanin në pritën e ngritur në Papër, pas spiunimit që persona të afërt me të i bënë për planin që Dumani kishte organizuar për ta vrarë.

Por si u kthyen të dy në armiq të përbetuar?

Çela dhe Dumani janë prej gati 2 vitesh në një armiqësi të përbetuar që ka nisur pas vrasjes së mikut të ngushtë të Nuredin Dumanit, Klevis Kapllanaj. Vrasja e Kapllanajt solli ndarjen e dy të fortëve të Elbasanit, dhe që nga 17 shtatori i 2020-ës kur në Elbasan u vra vëllai taksist i Talo Çelës, Bujar Çela, të dy nuk i bashkon më asgjë. Dumani akuzon Çelën si të përfshirë në vrasjen e shokut të tij dhe në shenjë armiqësie dyshohet se i vrau të vëllain. Nga këtu ka nisur një betejë mes dy ish-miqve!

ZHVILLIMET ORË PAS ORE:

Zbardhet IDENTITETI! Kush është e dashura e Nuredin Dumanit, u kap me armë në brez

Mjekuan Dumanin, rrëfehen bluzat e bardha: Kemi bërë betimin e Hipokratit, ja kush na mori

EMRAT/ Kush janë 5 personat e arrestuar me Dumanin, mes tyre e dashura 20-vjeçare

(F.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet arrestohet nuredin dumani nuredin dumani arrestohet nuredin dumani nuredin dumani

Sondazh

Poll

MË SHUMË