Aktualitet

Nesër marshim kombëtar, pedagogu Goci: Të gjithë në shesh, s’mund ta zbusim presionin

18 Mars 2022, 10:21 Nga DOSJA
Nesër marshim kombëtar, pedagogu Goci: Të gjithë në

TIRANË– Pedagogu dhe aktivisti Ervin Goci u ka bërë thirrje të gjithë qytetarëve të Shqipërisë që tu bashkohen nesër në marshimin kombëtar që pritet të nisë në orën 11:00. Përmes një statusi në Facebook, Goci shkruan se të gjithë do të mblidhen tek sheshi “Skënderbej” e më pas të nisin marshimin. Ai kërkon që sindikatat, grupet e interesit e komunitetet të detyrojnë qeverinë të përmbysë këto lloj politikash e rritjesh çmimesh ndaj qytetarëve.

Statusi i plotë:

Studente, qytetare te Tiranes dhe gjithe Shqiperise, njerez te te gjithe bindjeve, qofshin dhe pa bindje fare, aktiviste dhe aderues ne te gjithe organizatat e aksionit civil, sindikata, grupe interesi dhe komunitete, shoqata biznesi, publike, grupime te organizuara qe kane leitmotiv interesin publik, duhet te bashkohen te gjithe ne protesten e neserme per ta detyruar qeverine qe te permbyse politikat genocidale ndaj interesit te gjere qytetareve. Nese nuk kemi nje fitore te madhe, pastaj mbeten therrime. Deri tani nuk kemi marre ndonje fitore te madhe, por ama e kemi fut qeverine ne pune, tani nuk mund ta zbusim presionit. A jane mundesite? Pafund!  Po dhe sikur te mos ishin, ato gjenden. Gjithçka mund te behet.

Shteti duhet marre seriozisht, ne duhet te merremi seriozisht, Shqiperia duhet te merret seriozisht. Ne nuk kemi nder mend qe ta leme rrugeve Shqiperine. Studentet mos te yshten, nga monovra e ndyre e qeverise, per t’i nis neper shtepia, po duhet te rrijne ne Tirane. Ata nuk kane marre asgje nga paketa studentore, eshte koha per te ardhur me kerkesat e tyre, megjithese ne jemi perpjekur t’i artikulojme. Ftoni, ke te mundni, sensibilizoni njerezit e afert, therrisni miq, te njohur, te tjere qe bashkeveproni ne perditshmeri, te behemi te gjithe agjensi te masivizimit te reagimit popullor, nuk mjafton te sjellesh vetem veten. Organizatat studentore duhen organizuar me prioritet.  Nuk pranojme te nenshtrohemi! Te gjithe bashke i thyejme! Neser ne 11 te Sheshi “Skenderbej”.

Prej më shumë se 10 ditësh, qytetarët shqiptarë kanë dalë në protesta massive të organizuara në çdo cep të vendit. Ata kërkojnë ulje çmimesh, uljen e taksave të naftës deri në normalizimin e situatës pas nisjes së luftës në Ukrainës. Vetë kryeministri Edi Rama ka ngritur një brod për të fiksuar çmimin e naftës dhe një gjë të tillë ka paralajmëruar se do ta bëjë edhe për produktet e shportës.

(f.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet ervin goci proteste kunder rritjes se cmimeve ervin goci proteste kunder rritjes se cmimeve

Sondazh

Poll

MË SHUMË