Aktualitet

Protestat në Shqipëri! KE: Shqetësimet e qytetarëve për çmimet janë legjitime

18 Mars 2022, 09:44 Nga DOSJA
Protestat në Shqipëri! KE: Shqetësimet e qytetarëve për

TIRANË– Komisioni Europian ka hedhur poshtë deklaratat e kryeministrit Edi Rama që protestat e qytetatëve shqiptarë kundër rritjes së çmimeve i shërbejnë Rusisë dhe Kremlinit. Nënkryetari i KE-së Josep Borrell iu është përgjigjur pyetjeve të EURACTIV, që lidhen me protestat e zhvilluara në Shqipëri. Në një intervistë për Euroavtic, ai u shpreh se protestat e qytetatëve shqiptarë kundër rritjes së çmimeve janë legjitime. Në vijimësi ai ka shtuar se grumbullimet e qytetarëve kanë qënë paqësore e se rritja e çmimeve është rënduar në masë të madhe nga lufta e agresionit të nisur nga Rusia kundër Ukrainës dhe jo nga sanksionet e BE-së dhe përafrimi i Shqipërisë me to.

DEKLARATA E PLOTË E KE:

Shqiptarët kanë mbi një javë që protestojnë për rritjen e çmimeve të karburanteve, energjisë dhe ushqimeve, duke kërkuar lehtësime të ndryshme fiskale. Qeveria ka futur disa masa, por ka thënë vazhdimisht se protestuesit janë të turpshëm dhe po forcojnë Kremlinin, shkruan Euraactiv

“Qytetarët në Shqipëri, si dhe në pjesën tjetër të Ballkanit Perëndimor dhe më gjerë, kanë shqetësime legjitime për rritjen e çmimeve të karburanteve dhe ushqimeve”, tha Komisioni.

“BE kujton se respektimi i standardeve evropiane për lirinë e grumbullimit paqësor dhe për mbrojtjen dhe përfshirjen e grupeve të cenueshme, janë kërkesat kyçe të anëtarësimit që monitorohen nga afër. Të gjithë aktorët e përfshirë duhet të ushtrojnë qetësinë dhe përmbajtjen maksimale”, shtoi Komisioni Evropian.

Deklarata e Komisionit vazhdoi se rritja e çmimeve është “rënduar në masë të madhe nga lufta e agresionit të nisur nga Rusia kundër Ukrainës”, dhe jo nga sanksionet e BE-së dhe përafrimi i Shqipërisë me to.

“Sanksionet e BE-së synohen me kujdes dhe synojnë ata që janë përgjegjës për politikat ose veprimet që BE dëshiron të ndikojë, duke reduktuar sa më shumë që të jetë e mundur çdo pasojë të padëshiruar”, vazhdoi ai.

Komisioni vuri në dukje gjithashtu ngritjen e një komiteti të posaçëm për të trajtuar ndikimin e luftës së Rusisë kundër Ukrainës në ekonominë shqiptare dhe bordit kombëtar për administrimin e karburanteve, si dhe monitorimin e vazhdueshëm të situatës nga Autoriteti i Konkurrencës së Shqipërisë.

“BE do të vazhdojë të mbështesë partnerët e saj të Ballkanit Perëndimor në zhvillimin ekonomik gjithëpërfshirës dhe të qëndrueshëm, në veçanti duke iu përgjigjur ndikimit social dhe ekonomik të luftës, goditjeve të mundshme në të ardhmen dhe për të lejuar rimëkëmbjen ekonomike”, përfundoi deklarata.

Kryeministri Edi Rama ka deklaruar ditë më parë se protestat e qytetarëve shqiptarë kundër rritjes së çmimeve janë të turpshme e se i shërbejnë Rusisë. Komentet e Borrell vijnë pas arrestimeve dhe ndalimeve të qytetarëve shqiptarë të cilët ishin pjesmarrës në këto protesta. 

(a.b)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet komisioni europian proteste per rritjen e cmimeve komisioni europian proteste per rritjen e cmimeve

Sondazh

Poll

MË SHUMË