Sport

Sonte 62.000 fansa në “Bernabeu”, midis tyre edhe prindërit e Mbappe dhe Sergio Ramos…

9 Mars 2022, 14:44 Nga DOSJA

SPANJE – 62.000 do të jenë spektatorët që do të mbushin “Santiago Bernabeun”, duke filluar nga ora 21:00. Siç është e logjikshme, shumica do të jenë kryesisht tifozë të Madridit, por një pjesë e mirë e vëmendjes do t’i kushtohet disa anëtarëve të tjerë të ekspeditës së PSG.

Familja e Kylian Mbappe në Madrid nga e marta në mesditë dhe Sergio Ramos në tribunë, do të jenë dy fokuset e tjera të mëdha, pavarësisht se çfarë ndodh në fushë.

Prindërit e sulmuesit francez kanë qenë në gjendje të shijojnë Madridin, të kërkojnë, të shikojnë, përpara përfundimit të marrëveshjes së Mbappes, i cili pasditen e së martës e shijoi “Santiago Bernabéun” nga fusha e stadiumit. Ai dukej i humbur në mendime për atë që gjithmonë ëndërronte të ishte shtëpia e tij, sikur të rikrijonte atë që mund të ishte.

Sergio Ramos i kërkoi Pochettinos që të ishte pjesë e ekspeditës, pavarësisht se në asnjë rast nuk mund të hynte në listën e të thirrurve. Të martën, ai vazhdoi procesin e rikuperimit, por priti që kamerat e mediave të largoheshin nga stërvitjet, për të dalë në fushën që ka qenë shtëpia e tij për më shumë se një dekadë.

Sot, nëse nuk ndryshon asgjë, vendi i tij do të jetë pas pankinës së PSG-së, thuajse i përzier me publikun. Kjo ndodh me të gjitha skuadrat dhe Real Madridi dëshiron t’i japë ish-kapitenit të bardhezinjve të njëjtin trajtim, si çdo lojtar tjetër që arrin në “Santiago Bernabéu” si rival.

Mirënjohjet janë bërë tashmë në momentin e lamtumirës nga drejtuesit e madrilenëve dhe e vërteta është se as Sergio Ramos nuk ka kërkuar diçka ndryshe. Ai vjen për të mbështetur ekipin e tij me çfarëdo mënyre dhe për të ndjerë frymën e një stadiumi që ishte gjithçka për të. Ai dëshiron të ndihet si futbollist pas një viti plot probleme dhe sonte e meriton këtë.

B.T (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport e ardhmja e kylian mbappé mbërriti në “bernabeu” mbrojtësi spanjoll sergio ramos real madrid barcelona santiago bernabeu e ardhmja e kylian mbappé mbërriti në “bernabeu” mbrojtësi spanjoll sergio ramos real madrid barcelona santiago bernabeu

Sondazh

Poll

MË SHUMË