Sport

Partizani, derbi ndaj Tiranës e nxjerr me pasoja! Dy titullarët shfaqin probleme fizike

9 Mars 2022, 12:10 Nga DOSJA
Partizani, derbi ndaj Tiranës e nxjerr me pasoja! Dy titullarët

TIRANË-Një sezon i vështirë, larg objektivave në kampionat, një nisje jo e mirë e vitit 2022, por në ndeshjet e fundit, Partizani njeh vetëm rritje, duke marrë terren në renditje dhe duke prekur fazën gjysmëfinale në Kupën e Shqipërisë.

Barazimi i fundit në derbi ndaj Tiranës ishte treguesi i vërtetë se “të kuqtë” nuk janë dorëzuar dhe kërkojnë të ndryshojnë kurs,krahasuar me gjysmën e parë të sezonit. Janari, merkato dhe ndryshimet në pankinë kanë dhënë frytet e para, pasi me Mehmetin, Partizani ka rilindur. Megjithatë në klubin e kuq kanë nisur problemet e para. Mbrojtësi i djathtë Andi Hadroji ka probleme në kavilje, jo më kot 22-vjeçari u zëvendësua në derbi në minutën e 46’ për shkak të probelemve fizike.

Ditët në vijim do të mësohet më tej gjëndja e lojtarit. Një tjetër futbollist që ka shqetësuar jo pak stafin e Partizanit është Xhuliano Skuka. Sulmuesi që është kthyer në liderin e sulmit ka probleme në shpatull. 23-vjecari ka ndjerë shqetësime në seancën e fundit stërvitore dhe nuk dihet nëse lojtari do të jetë në takimin e fundjavës ndaj Egnatias.

E.Ç (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport hadroji partizani skuka tirana hadroji partizani skuka tirana

Sondazh

Poll