Politike

Balla i kthehet Berishës: Turpi ka gjithmonë një emër, ska lidhje Soros me sulmin e Putin

7 Mars 2022, 17:57 Nga DOSJA
Balla i kthehet Berishës: Turpi ka gjithmonë një emër, ska

TIRANË- Deputeti socialist Taulant Balla ka deklaruar se rezoluta e Shqipërisë për Ukrainën është shkruar në mbështetje të OKB-së dhe organizatave ndërkombëtare. Gjatë fjalës në parlament, Balla i është përgjigjur Berishës, i cili e quajti këtë rezolutë si të pamjaftueshme, duke thënë se turpi ka emrin e Sali Berishës. Bala gjithashtu përmendi edhe miliarderin George Soros, për të cilin tha se nuk ka lidhje ai me sulmin e Putin në Ukrainë.

“Turpi ka gjithmonë një emër dhe i mbetet atij që foli më parë. Sot duhet të ishim të bashkuar dhe jo të ndarë. Lufta po vret dhe po shkatërron në Ukrainë dhe po i fut kthetrat në jetën e përditshme, edhe të Shqipërisë. Rezoluta erdhi si një nevojë që edhe Shqipëria të kishte kontributin e vet. Rezoluta erdhi nga katër grupet parlamentare, unë nuk njoh më shumë grupe parlamentare. Diskutimi me to ka qenë për t’u përshëndetur, të cilët mbi oreksin politik të ditës vendosën dakordësinë për të sjellë në Kuvend një dokument të përbashkët. Gjoja mangësitë e rezolutës, rezoluta është në të njëjtën linjë me atë të SHBA-ve, Bundestagut gjerman, por edhe të Këshillit të Evropës. Ky është një dokument që do t’u shkojë të gjitha ambasadave tona. Ka njëmijë mënyrë për të bërë opozitë, por jo sot me Ukrainën, se ku hyn Sorosi me sulmin e Putinit në Ukrainë, hajde gjeje. Rezoluta dënon sulmin rus në Ukrainë, dëgjoje ti mos e ul kokën, dhe që Rusia ka shkelur kartën e Helsnikit duke cenuar sovranitetin e Ukrainës. Sot jemi këtu në mbështetje të sovranitetit të Ukrainës dhe të mbështesim sanksionet ndaj Federatës Ruse dhe ndihmë ushtarake dhe humanitare për popullin e Ukrainës. Sot çdo deputet duhet ta ndajë mirë se në cilën anë të historisë është. Dhe unë mendoj se çdo deputet duhet të jetë në krah të kësaj rezolute. Të ndalohet menjëherë përdorimi i përdorimit të forcës në Ukrainë dhe të tërhiqet nga Ukraina duke distancuar sipas kufijve të njohur ndërkombëtarisht”, tha Balla.

LAJMI KRYESOR: Sot mblidhet Kuvendi, votohet projektrezuluta për mbështetjen e Ukrainës

(I.A/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike george soros kuvendi i shqiperise seance plenare 7 mars 2022 taulant balla george soros kuvendi i shqiperise seance plenare 7 mars 2022 taulant balla

Sondazh

Poll

Politike 7 Mars 2022, 15:23

Bardh Spahia fiton Bashkinë e Shkodrës!

SHKODËR– Bardh Spahia është kryebashkiak i Shkodrës. Numërimi i 250 kutive të votimit ka bërë që Spahia të shpallet fitues duke lënë pas kandidaten e...

MË SHUMË