Aktualitet

Komiteti nuk dha detaje! Policia SQARON: Muzika s’lejohet në clube pas orës 23:00

6 Mars 2022, 06:43 Nga DOSJA
Komiteti nuk dha detaje! Policia SQARON: Muzika s’lejohet në clube

TIRANË– Nëse muzika do të lejohej në clube dhe lounge pas orës 23:00 u kthye në pikëpyetje për qytetarët shqiptarë dhe menaxherët e këtyre aktiviteteve. Policia e Shtetit ka bërë një sqarim lidhur me lirimin e masave anti-COVID nga Komiteti Teknik i Ekspertëve dy ditë më parë.

Policia sqaron se nga Komitetit Teknik i Ekspertëve nuk janë hequr kufizimet për disa masa, të cilat janë bërë publike më parë nga ana e këtij institucioni. Do të mbetet ende në fuqi masa që në Klubet e natës, diskot, lounge-baret dhe çdo lloj shërbimi i kësaj natyre në mjedise të mbyllura apo të hapura, do të vazhdojnë të jenë të mbyllura pas orës 23:00. Po ashtu, policia shton se edhe muzika do të jetë e ndaluar në këto aktivitete. Aktivitetet si bare, restorante, fast-food-e dhe lokale mund të ofrojnë shërbim pa kufizim kohor.

NJOFTIMI I POLICISË:

Mbi kuptimin dhe zbatimin e masave të vendosura nga Komiteti Teknik i Ekspertëve, në datën 02.03.2022, lidhur me pandeminë Covid-19.Policia e Shtetit, si institucioni përgjegjës për zbatimin e masave të parashikuara në Aktin Normativ, që lidhen me pandeminë, sqaron edhe një herë opinionin publik, për kuptimin dhe zbatimin e drejtë të masave të vendosura në datën 02.03.2022, nga Komiteti Teknik iEkspertëve, në lidhje me pandeminë.Sipas këtyre vendimeve dhe akteve të miratuara nga MSHMS, janë hequr kufizimet dhe lejohen:1. Aktiviteti në bare, restorante, fast food-e dhe lokale, në zbatim të Urdhrit nr. 155, datë 02.03.2022 të MSHMS “Për shfuqizimin e Urdhrit nr.100, datë 10.02.2021 “Për kufizimin e aktiviteteve të bareve, restoranteve, fast food-eve dhe lokaleve”, i ndryshuar. Ky urdhër ka shfuqizuar kufizimin dhe lejon ushtrimin e aktivitetit në bare, restorante, fast food-e dhe lokale, si dhe ofrimin e shërbimit për klientët në të gjithë vendin, pa kufizim kohor.2. Lëvizja e popullatës në të gjithë vendin, në zbatim të Urdhrit nr.32/3, datë 02.03.2022 MSHMS “Për shfuqizimin e Urdhrit nr.99, datë 10.02.2022 “Për kufizimin e lëvizjes brenda vendit”, i ndryshuar. Ky urdhër ka shfuqizuar kufizimin dhe lejon lëvizjen e shtetasve pa asnjë kufizim kohor, në të gjithë vendin.Nga Komitetit Teknik i Ekspertëve nuk janë hequr kufizimet për disa masa, të cilat janë bërë publike më parë nga ana e këtij institucioni.Për shkak të sensibilitetit dhe të interesimit të subjekteve që ushtrojnë këto aktivitete, si dhe me qëllim zbatimin e ligjit nga pronarët e tyrdhe nga strukturat e Policisë së Shtetit, sqarojmë se janë akoma në fuqi edhe këto dy masa:1. Klubet e natës, diskot, lounge-baret dhe çdo lloj shërbimi i kësaj natyre në mjedise të mbyllura apo të hapura, do të vazhdojnë të jenë të mbyllura. Ky detyrim është përcaktuar në Aktin Normativ Nr. 3, datë 15.03.2020 “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga Covid-19, i ndryshuar, me Aktin Normativ Nr. 30, datë 20.07.2020 në pikën 7/1, të nenit 1 të tij.2. Muzika ndalohet në çdo mjedis shërbimi pas orës 23:00. Ky rregull është përcaktuar në Urdhrin e Ministrit të Brendshëm nr. 284, datë 19.07.2021 “Për caktimin e orarit të ndalimit të muzikës”, në bazë të kompetencës që i ka dhënë në Aktin Normativ Nr. 3, datë 15.03.2020 të ndryshuar me Aktin Normativ Nr. 23, datë 26.05.2021, në germën “a” të nenit 1 të të cilit përcaktohet se: “Orari i ndalimit të muzikës në mjediset e shërbimit përcaktohet rast pas rasti me urdhër të Ministrit të Brendshëm, pas rekomandimit të Komitetit të Përkohshëm për Infeksionin e Përhapur nga Coronavirusi”. Policia e Shtetit siguron opinionin publik dhe në veçanti subjektet e interesuara, se ka marrë të gjitha masat për zbatimin e detyrimeve ligjore në këtë drejtim.Duke falënderuar për mirëkuptimin, veçanërisht përfaqësuesit e subjekteve që ushtrojnë këto aktivitete, Policia e Shtetit kërkon zbatimin me përpikëri të masave sipas akteve në fuqi që lidhen me pandeminë. Për çdo ndryshim të akteve të mësipërme, do të ketë komunikime të tjera.DREJTORIA E PËRGJITHSHME E POLICISË SË SHTETITTiranë, më 05.03.2022

Komiteti Teknik i Ekspertëve vendosi dy ditë më parë të heqë orën policore si dhe vendosi që të rekamondojë vaksinimin e fëmijëve duke nisur nga mosha 12 vjeç. Ndryshimi i masave u vendos në një mbledhje të zhvilluar, ndërkohë në fuqi është lënë paraqitja e pasaportës së vaksinimit, ose testit negativ PCR 72 orë para mbërritjes në Shqipëri, me përjashtim të fëmijëve deri në 6 vjeç.

(a.b)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet hiqen masat anti-covid masat anti covid ne shqiperi muzike ne bare policia hiqen masat anti-covid masat anti covid ne shqiperi muzike ne bare policia

Sondazh

Poll

MË SHUMË