Sport

Inter, dëgjo Lukakun! Belgu kërkon rikthimin, gati të ulë ndjeshëm pagën e tij

24 Shkurt 2022, 09:02 Nga DOSJA
Inter, dëgjo Lukakun! Belgu kërkon rikthimin, gati të ulë

ITALI-Romelu Lukaku duket të jetë penduar për lëvizjen e bujshme në verë në drejtim të Londrës, ku zgjodhi të vazhdonte karrierën me skuadrën e Chelsea. Sulmuesi belg mesa duket nuk i ka bërë mirë llogaritë me skemat e trajnerit Thomas Tuchel teksa në këtë sezon ia ka dalë të shënojë vetëm pesë gola në kampionat. Belgu e ka kuptuar përfundimisht se për të nuk do të ketë lumturi në Londër.

La Gazzeta Dello Sport ka hapur faqen kryesore me titullin: “Lukaku dëshiron Interin”. Diçka e tillë nuk është sekret, por dita ditës po shtohen zëra se lojtari vërtetë dëshiron që në merkaton e verës të rikthehet në Itali, aty ku ai u kthye në idhullin e tifozëve zikaltër.

Lukaku është gati të ulë ndjeshëm 12 milionë eurot që përfiton në sezon, vetëm të transferohet te Inter. Pra, lamtumira e Lautaro Martinez do t’i hapte konkretisht dyert për rikthimin e Lukakut, i cili mund të bashkohej me Dzekon, Correan dhe Sanchez. Jo vetëm kaq: nuk përjashtohet që Inter të vlerësojë shitjen e Sanchez për të transferuar Scamacca-n që mendohet se kartoni i tij është bllokuar nga drejtuesit e klubit zikaltër.

E.Ç (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport inter lukaku inter lukaku

Sondazh

Poll

MË SHUMË