Sport

Luhatje në rezultate, Teuta tani ka hallin e mungesave, ja gjendja në prag të Vllaznisë

12 Shkurt 2022, 14:29 Nga DOSJA
Luhatje në rezultate, Teuta tani ka hallin e mungesave, ja gjendja në

DURRËS- Teuta, edhe pse vjen nga fitorja në mesjavë ndaj Skënderbeut në Kupën e Shqipërisë, 1-0, që dha dhe kualifikimin për në raundin gjysmëfinal, duket se nuk ka gjetur qetësinë. “Djemtë e detit” i pret një sfidë e vështirë në stadiumin “Loro Boriçi” ndaj Vllaznisë vendëse, e cila do të luhet të dielën duke nisur nga ora 16:45.

Dhe për rrjedhojë, teksa në kampionat janë mundur nga Partizani, 0-4, Teuta ka zgjedhur të bëjë heshtje shtypi. Që do të thotë se është java e dytë që askush nuk deklarohet tek Teuta përpara ndeshjes. Në sfidën me Vllazninë, shumë e rëndësishme për të dy ekipet në ecurinë e kampionatit, për Teutën do të mungojë mbrojtësi Xhekson i dëmtuar, si dhe mesfushori Daja i skualifikuar për shkak të cartoni të kuq që mori në sfidën me Partizanin.

Formacioni anti-Vllazni duket se do të përbëhet nga të njëjtët lojtarë, të cilët luajtën në mesjavë ndaj Skënderbeut, me një vendosje taktike 4-3-3. Kështu Teuta i ka dhënë dorën e fundit përgatitjeve për sfidën me kuqeblutë, në heshtje të plotë dhe pa asnjë deklaratë.

E.Ç (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport teuta vllaznia teuta vllaznia

Sondazh

Poll

MË SHUMË