Bota

Konflikti në Ukrainë, Inteligjenca:Putin mund të marrë Kievin, qyteti bie për 48 orë

7 Shkurt 2022, 18:20 Nga DOSJA

Konflikti në Ukrainë, Inteligjenca:Putin mund të marrë

RUSI- Komunikimet e përgjuara të marra nga SHBA-të kanë zbuluar se disa zyrtarë rusë janë shqetësuar se një pushtim në shkallë të gjerë i Ukrainës do të ishte më i kushtueshëm dhe më i vështirë sesa mendon presidenti rus Vladimir Putin dhe udhëheqës të tjerë të Kremlinit. CNN shkruan se zyrtarët gjithashtu janë ankuar për planet e tyre që janë zbuluar dhe ekspozuar publikisht nga vendet perëndimore.

Nuk ka asnjë provë se këta zyrtarë janë kundër planit të përgjithshëm, ose do të revoltoheshin kundër urdhrave të Putinit. Një burim tjetër i njohur me inteligjencën amerikane vuri në dukje se Rusia ka një ushtri profesionale që pritet të zbatojë në mënyrë efektive urdhrat e Putinit. Megjithatë, personeli rus i mbrojtjes beson se do të jetë e vështirë.

“Në vlerësimet që shohim është e qartë se disa njerëz në anën e mbrojtjes ruse nuk po e kuptojnë vërtet se cili është plani i lojës,” tha një zyrtar.

Një tjetër prej burimeve të njohura me inteligjencën tha se mënyra se si planifikimi rus ka evoluar dhe zgjeruar gjatë dy muajve të fundit sugjeron se shqetësimet janë dëgjuar nga zyrtarë të lartë rusë. Zyrtarët thanë se Putini ka mbledhur 70% të personelit ushtarak dhe armëve në kufijtë e Ukrainës që do t’i duheshin për një pushtim të plotë të vendit. Disa vlerësime tregojnë se ai mund të planifikojë të përpiqet të marrë kryeqytetin e Ukrainës, Kievin, dhe qyteti mund të bjerë brenda 48 orëve nga një pushtim në shkallë të gjerë tokësore dhe ajrore.

Një tjetër mundësi, thanë zyrtarët, është që Putini të vendosë për një operacion të shumëanshëm, duke dërguar forca nga disa drejtime anembanë Ukrainës për të thyer shpejt aftësinë e ushtrisë ukrainase për të luftuar si një forcë kohezive, një strategji klasike ushtarake ruse.

“Ne kemi thënë prej kohësh se Putini vazhdon të shtojë opsionet dhe aftësitë e tij dhe ne kemi qenë po aq transparentë për disa nga lëvizjet që besojmë se ai synon të bëjë për të justifikuar një lloj veprimi ushtarak. Ne gjithashtu do të vazhdojmë të ndihmojmë Ukrainën të mbrohet më mirë me ndihmën vdekjeprurëse dhe jovdekjeprurëse,”tha sekretari i shtypit i Pentagonit, John Kirby.

Zyrtarët amerikanë publikisht dhe privatisht thonë se ende nuk e dinë nëse Putin ka vendosur të sulmojë dhe çfarë forme do të kishte nëse do ta bënte. Kjo është kryesisht për shkak se dukshmëria e SHBA ndaj Putinit dhe rrethit të tij të brendshëm është ende jashtëzakonisht e kufizuar.

LAJMI KRYESOR: Pushtimi mund të ndodhë! ‘Rusi-Ukrainë’, ushtria është gati, Macron takohet me Putin

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota john kirby konflikti ukraine-rusi vladimir putin john kirby konflikti ukraine-rusi vladimir putin