Aktualitet

“Shtëpia e Lirisë”, vendimi i KQZ pa asnjë efekt

4 Shkurt 2022, 13:56 Nga DOSJA

“Shtëpia e Lirisë”, vendimi i KQZ pa asnjë efekt

TIRANË– Vendimi i Komisionit Qëndror të Zgjedhjeve për regjistrimin e koalicionit “Shtëpia e Lirisë” pa Rithemelimin, ishte një vendim i pashmangshëm. Komisioni i Rithemelimit nuk ka mundur të regjistrojë dot në Gjykatë vendimet e Kuvendit të 11 dhjetorit, pavarësisht se afatet kanë skaduar. Gjykata nuk ka marrë vendim, edhe për shkak të kërkesës që Lulzim Basha çoi po në dhjetor, për regjistrimin e vendimeve të Kuvendit të Korrikut 2021. Grupi i Bashës ka kërkuar të merret më parë një vendim për Kuvendin e Korrikut dhe më pas për atë të Dhjetorit, duke e vënë Gjykatën në vështirësi.

Grupi i Bashës ka kërkuar gjithashtu zëvendësimin e gjyqtarit që duhet të bëjë regjistrimin e vendimeve të Kuvendit të 11 Dhjetorit. Në rastin më të mirë, Gjykata mund t’i bashkonte kërkesat dhe të regjistronte sipas dokumenteve të dyja vendimet, ose vetëm një prej tyre, por nuk e ka bërë këtë edhe nën presionin e Vettingut që i rri mbi kokë. Në këto kushte, Komisioneri Zgjedhor nuk mund ta pranojë si subjekt Rithemelimin, pa një dokument nga Gjykata. Grupimi i Bashës, për tu regjistruar, mori në Gjykatë vërtetimin e regjistrimit të vendimeve të Kuvendit të 2017, të cilave u ka mbaruar afati ligjor, megjithatë mbeten të vlefshme deri në një regjistrim tjetër.

Kështu në 6 mars do të ketë një koalicion me kandidatë të Berishës, me komisionerë të Berishës, por pa emrin e forcës politike që Berisha përfaqëson. LSI-ja u rikthye partnerja e fortë e ish-kryeministrit, duke e shpëtuar për herë të dytë, pas koalicionit të 2009. Gjithashtu PDK e Nard Ndokës u rifaktorizua me vendimin e KQZ. Pas një rezultati të keq në zgjedhjet e 25 prillit, Ndoka ka shpëtuar jo vetëm ngjyrat e koalicionit Shtëpia e Lirisë. Nëse nuk do të ishte PDK, nuk do të kishte fare koalicion, sepse LSI do të mbetej forca e vetme. Futja e Ndokës, jo vetëm krijon bazën ligjore për “Shtëpinë e Lirisë”, po edhe balancimin e së djathtës, pa të cilin koalicioni nuk do të kishte kuptim.

Kandidatët e Berishës megjithatë, përveç përbërjes së koalicionit, që do të shfaqet vetëm në fletën e votimit, nuk do të kenë asnjë pengesë që të prezantohen si demokratë. Nëse kundërshtarët do ta ndërtojnë fushatën mbi regjistrimin në KQZ, vetëm sa do të ngrenë dyshime që pas gjithë vonesave ligjore qëndrojnë edhe ata.

(e.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

kryesore kryesore komisioni qendror i zgjedhjeve kqz 4 shkurt 2022 shtëpia e lirisë zgjedhjet e pjesshme 6 mars 2022 komisioni qendror i zgjedhjeve kqz 4 shkurt 2022 shtëpia e lirisë zgjedhjet e pjesshme 6 mars 2022