Politike

Një ditë pas zgjedhjeve/ Kreu i PD Elbasan: Votimi i djeshëm ishte një eksperiment i rrezikshëm

1 Korrik 2019, 11:23 Nga DOSJA
Një ditë pas zgjedhjeve/ Kreu i PD Elbasan: Votimi i djeshëm

ELBASAN- Një ditë pas zgjedhjeve të së dielës, kreu lokal i Partisë Demokratike në Elbasan Eugen Isaj doli në një konferencë për median. Në deklaratën e tij, Isaji u shpreh se votimi i djeshëm ishte një eksperiment i rrezikshëm që e dërgon vendin në katastrofë

Isaji falenderoi qytetarët për mos marrjen pjesë në votime, pavarësisht presionit të ushtruar.  Sipas tij rezultati i djeshëm e ka rritur më shumë besimin në fitore të Partisë Demokratike.

Deklarata e plotë e Eugen Isajit:

Para se gjithash desha t`iu përcjell në emrin tim dhe Partisë Demokratike, falënderimet për braktisjen masive që u bëtë zgjedhjeve të 30 qershorit e cila do të fiksohet si një nga ditët më të zeza të demokracisë ku u tentua që të kthehet diktatura.Me qëndrimin tuaj qytetar dhe dinjitoz ju ndëshkuat rëndë marrëzinë e Edi Ramës për ta kthyer këtë vend në një regjim totalitar dhe të izoluar nga bota. Me vendimin tuaj, ju e turpëruat atë dhe e nxorët lakuriq duke e diskretituar jo vetëm brenda, por edhe jashtë vendit.Me gjithë terrorin e ushtruar, presionet ndaj administratës, arsimtarëve, mjekëve, nëpunësve të çdo natyre dhe të afërmve të tyre, Partia Socialiste mori minimumin historik të votave në Elbasan edhe pse komisionet ishin të tyre, edhe pse manipuluan pafund me fletët dhe kutitë e votimit.Votimi i djeshëm monist i Edi Ramës ishte një maskaradë që nuk njeh kufij.  Një eksperiment i rrezikshëm që e dërgon vendin në katastrofë. Por siç e patë atij i thanë jo edhe vetë socialistët të cilët gjej rastin ti falënderoj sepse më në fund e kuptuan se cili është lideri i tyre i disekujlibruar.

Të dashur qytetarë,

Me vendimin e djeshëm ju i thatë jo diktaturës, jo varfërisë, jo nënshtrimit. I thatë po demokracisë dhe prosperitetit. Tashmë është e qartë. Askush nuk e do më Edi Ramën dhe shpurën e tij. Sepse të gjithë ne pa dallim e provuam se ai mendon vetëm për veten dhe grushtin kriminal që e mbështet.Tashmë është koha të mendojmë për të ardhmen tonë, duke u bashkuar më fort me Partinë Demokratike dhe aleatët e saj progresistë për tu bërë pjesë e familjes Evropiane.Rezultati i djeshëm i votimeve e ka rritur më shumë besimin në fitore dhe uraganit popullor do ti bashkohen më shumë njerëz për ta dëbuar njëherë e mirë farën e keqe neokomuniste.

-Z. Isaj Kur thoni Se dispononi prova për presion i referoheni emrave konkret apo institucioneve?

Partia Socialiste dja ka kryer krim elektoral. Ka krijuar shantazh, duke filluar nga drejtuesit e prefekturës e duke vijuar , tek drejtuesi i institucionit më me pak rëndësi, qendra shëndetësore, drejtoria arsimore. Është e turpshme . Ne kemi prova dhe fakte. Shumë shpejt këto drejtues do të ballafaqohen, e përsëris, se ne duam ti japim një mesazh të fortë këtij qyteti. Ne po bëjmë gati të gjitha dokumentacionet dhe do tia kalojmë prokurorisë. Kemi prova për të gjithë drejtuesit e lartë të institucioneve të shtetit për shantazh dhe intimidim . Kjo është e trishtë në këtë qytet dhe është e nevojshme për ndërhyrje.

-Meqënëse partia Socialiste hyri e vetme në zgjedhjet e 30 qershorit. Ka zëra që thonë se kanë nisur paknaqësitë e para ndaj kryedemokratit Lulzim Basha, aq sa thuhet se kërkohet dorëheqja e tij. Si është klima në degën lokale të Elbasanit?

Nuk e di se ku i keni parë ju këto paknaqësi. Si mundet një parti politike të hyjë në zgjedhje në këtë situatë. Vargu i makinave të blinduara dhe bandave që kanë shkuar në cdo qendër votimi dje dhe janë të filmuara ka qënë i lartë. Me vjen keq që ende nuk ka asnjë reagim. Duke ia bashkangjitur ato që thashë më sipër. Si mundët të ketë paknaqësi për kauzën tonë.

-KQZ raportoi se pjesëmarrja e votuesve në Elbasan ishte 23.56%, po Partia Demokratike ka shifra, meqënese thoni se  e keni monitoruar këtë proces?

Kemi bërë edhe ne sigurisht kalkulimet tona. Numri i votuesve në Elbasan ka qënë 17.9%.  Duke iu referuar regjistrimeve tona konstatohet se qendrat e votimit që kanë pasur numërues me pak shifrat nuk korospondojnë . Është edhe një fakt tjetër. Te pallati i sportit nuk po dalin me vota të pavlefshme.  E dini pse sepse është një hendek i madh mes numrit të pjesmarrësve dhe votuesve.

Ditën e djeshme, shqiptarët votuan në zgjedhjet lokale të 30 qershorit, ku morën pjesë 21.6% e shqiptarëve, dhe PS mori ashtu siç ishte parashikuar të gjitha bashkitë. Procesi i votimit nuk pati probleme, përveç disa incidenteve të vogla në Finiq dhe Durrës. Dy liderët, Rama e Basha e cilësuan fitore 30 qershorin, njëri të shtetit e tjetri të popullit, ndërkohë që ende nuk ka një reagim nga kreu i shtetit, Ilir Meta.

(a.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike eugen isaj pd elbasan rezultatet e zgjedhjeve eugen isaj pd elbasan rezultatet e zgjedhjeve

Sondazh

Poll

MË SHUMË