Politike

Balla në Lushnje: S’kemi kundërshtarë në zgjedhje, Saliu dhe Luli janë bashkë

2 Shkurt 2022, 18:32 Nga DOSJA

Balla në Lushnje: S’kemi kundërshtarë në zgjedhje,

LUSHNJE – Kryetari i grupit parlamentar të Partisë Socialiste Taulant Balla mblodhi sot asamblenë socialiste të këtij qyteti në kuadër të përgatitjes për zgjedhjet e pjesshme lokale të 6 marsit, ku do të garohet dhe në këtë bashki. Balla i dha mbështetje të plotë kandidates Eriselda Sefa. Ai shtoi se mazhoranca socialiste nuk ka kundërshtarë në këto zgjedhje.

I deleguari i PS për qarkun e Fierit sulmoi presidentin Ilir Meta, ish-kryeministrin Sali Berisha dhe kryetarin e Partisë Demokratike Lulzim Basha. Ai shtoi se pavarësisht se në publik Basha dhe Berisha janë shfaqur kundër njëri-tjetrit në të vërtetë, ata ende bashkëpunojnë për shkak dhe të së kaluarës kur PD ishte në pushtet.

“Ne nuk kemi kundërshtarë në këto zgjedhje? Nuk kemi. Më thoni kë kemi lëvizjen e Saliut dhe Metës? Apo atë që ka mbetur nga partia e Lulit. Të mos merremi me kandidatët e Saliut. Ata janë djem të Lushnjës që e dinë që nuk fitojnë në këto zgjedhje. Ne do të merremi me problematikat dhe hallet e qytetarëve. Eriselda ka mbështetjen e plotë të kryeministrit për të çuar përpara ato projekte që janë gati, një pjesë kanë filluar, një pjesë do të fillojë në ditët në vazhdim. Shumë probleme që nuk janë zgjidhur këto vite, ne kemi 11 muaj kohë për t’i zgjedhur. Ne më pas do të futemi në fushatë zgjedhore për kryetarin e partisë. Kontrata jonë me Lushnjën do të jetë 12 muaj, për të na vlerësuar për performancën. Jam i sigurt që do të jetë e vështirë për ne të plotësojmë atë që nuk është realizuar për 12 vite. Por ajo që po bëjmë do të jetë më e prekshme. Transformimi i Lushnjës ka filluar në momentin që Rama ka ardhur në krye të vendit. E kërkova mbledhjen e asamblesë të zgjeruar, për të bërë gati makinerinë tonë komunikuese me njerëzit, për të shkuar derë më derë. Nuk kemi nevojë për mitingje të mëdhaja. Ne do të shkojmë në grupe banesash, grupe njerëzish, për të folur për gjithçka që ne po bëjmë. Ne nuk bëmë aleancë me asnjë parti, e nuk do të bëjmë më. Aleanca jonë janë njerëzit e thjeshtë e të zakonshëm. Ata janë bashkë. Kush mendon që Luli e Saliu janë ndarë e kanë gabim, ata janë bashkë sepse edhe pisllëqet i kanë bashkë. 21 janarin e ka bashkë me Lulin. Historinë e detit e ka bashkë me të. Në Gërdec, Luli ishte në qeveri. Janë çështje që duhen përballen dhe ne do të insistojmë. Për të fituar mandatin tonë të katërt duhet të përmirësohemi. Njerëzit nuk janë dakord për mënyrën se si ne kemi administruar pushtetin këto vite, por ne do t’i dëgjojmë”, deklaroi Balla në Lushnje.

(d.v/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike zgjedhjet e pjesshme lokale 6 mars zgjedhjet e pjesshme lokale 6 mars