Sport

“Boom” kërkesash për bileta në Kupën e Botës, zbulohen shtetet më të interesuara

22 Janar 2022, 14:12 Nga DOSJA

KATAR- Ka filluar numërimi mbrapsht për Botërorin Katar 2022 dhe ditët e fundit është hapur faza e parë e shitjes së biletave për të ndjekur ndeshjet që do të luhen nga data 21 nëntor deri më 18 dhjetor 2022. Në një ditë të vetme, në faqen zyrtare të FIFA-s u kërkuan 1.2 milionë bileta.

Kjo është një fazë paraprake, tifozët nga i gjithë planeti tashmë mund të fillojnë të menaxhojnë biletat e tyre duke bërë kërkesa, por shitja nuk realizohet.Të dhënat zyrtare tregojnë se numri më i madh i kërkesave ka ardhur nga Argjentina, Meksika, Shtetet e Bashkuara, Emiratet e Bashkuara Arabe, Anglia, India, Arabia Saudite, Brazili dhe Franca.

Shifrat tregojnë gjithashtu se ka pasur një bum të kërkesave për ndeshjen hapëse dhe finalen. Më shumë se 80,000 bileta u kërkuan për ndeshjen hapëse, gjatë së cilës Katari do të luajë në fushë. Më shumë se 140,000 bileta u kërkuan për ndeshjen finale në stadiumin Lusail, i cili ka një kapacitet prej 94,500 spektatorësh.

Gjatë kësaj faze paraprake të shitjeve e cila përfundon më 8 shkurt 2022 në orën 13:00 me orën e Dohas, fansat mund të paraqesin kërkesat e tyre në çdo kohë. Nuk ka rëndësi nëse aplikimet dorëzohen ditën e parë apo ditën e fundit sepse të gjitha regjistrimet do të caktohen pas mbylljes së periudhës së aplikimit.

E.Ç (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport katar kupa e botes katar kupa e botes