Aktualitet

Thyerja e KZAZ në Shkodër, reagon bashkia: I frymëzuar nga qeveritarët

28 Qershor 2019, 18:58 Nga DOSJA

Thyerja e KZAZ në Shkodër, reagon bashkia: I frymëzuar nga

SHKODËR- Bashkia e Shkodrës ka reaguar pas ngjarjes së ndodhur pasditen e sotme në Pallatin e Sportit, ku u thyen dyert për të marrë materialet zgjedhore.

Në deklaratën e bërë publike, bashkia e Shkodrës i quan vandalë personat në fjalë dhe veprim banditesk aktin, që sipas saj frymëzohet nga deklarimet e papërgjegjshme të qeveritarëve në Tiranë.

Bashkia i kërkon Policisë së Shtetit dhe Prokurorisë të zbardhë me shpejtësi këtë ngjarje të rëndë, dhunim jo vetëm të një prone të qeverisjes vendore, por edhe të punonjësve të saj në detyrë funksionale.

DEKLARATË E BASHKISË SHKODËR

PËR DHUNIMIN E NDËRTESËS SË PALLATIT TË SPORTIT

SHKODËR, ME 28 QERSHOR 2019

Bashkia e Shkodrës dënon dhe denoncon me forcë aktin e rëndë të dhunimit të ndërtesës së Pallatit të Sportit nga persona vandalë, të cilët janë përleshur me punonjës të Policisë së Shtetit dhe Policisë Bashkiake, të cilët së bashku janë përpjekur të ndalojnë këta dhunues të pronave të qytetarëve shkodranë.

Këta persona, kanë thyer tarabën e jashtme metalike dhe më pas kanë shpërthyer derën duke u futur në ambjentet e brendshme. Ka qenë një veprim banditesk, i cili nga sa mund të kuptohet deri tani, frymëzohet edhe nga deklarimet e papërgjegjëshme të qeveritarëve në Tiranë. Vandalët që kanë dhunuar ndërtesën, pasi janë futur brenda saj, kanë nxjerrë materiale të cilat duhet të gjenden dhe të rikthehen aty nga Policia e Shtetit, Prokuroria dhe agjensitë e tjera ligjzbatuese.

Bashkia Shkodër i kërkon Policisë së Shtetit dhe Prokurorisë të zbardhë me shpjetësi këtë ngjarje të rëndë, dhunim jo vetëm të një prone të qeverisjes vendore por edhe të punonjësve të saj në detyrë funksionale.

Nga ana e saj, Bashkia e Shkodrës ka ofruar të gjithë bashkëpunimin e duhur për gjetjen e autorëve dhe vënien e tyre para drejtësisë një minutë e më parë. Për këtë, kemi vënë në dispozicion të gjitha regjistrimet kamerat e sigurisë në ambjentet e ndërtesave në pronësi e administrim të saj.

Së fundi, theksojmë se jemi të vendosur të mbrojmë si deri më tani, të gjitha pronat e Bashkisë së Shkodrës përballë çdo individi apo institucioni që mund të përpiqet ti dhunojë. I kërkojmë Policisë së Shtetit, të kryejë misionin e saj kushtetues të mbrojtjes së pronës, qetësisë dhe rendit si detyra kryesore me të cilën e ngarkon Kushtetuta dhe ligjet e vendit.

Thyhet porta hyrëse e pallatit të sportit “Qazim Derivishi”, ish-KZAZ. Brenda nuk kishte asnjë material zgjedhor. Policia shoqëron 5 persona. PS Shkodër distancohet nga akti i dhunës.

(a.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet bashkia e shkodrës sulmohet ish-kzaz tensione ne shkoder bashkia e shkodrës sulmohet ish-kzaz tensione ne shkoder